Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Mwiixutte Myaha sa Biibiliya

 YOOSOMA 69

Nlaikha Gabriyeli Naahimuxukurya Maria

Nlaikha Gabriyeli Naahimuxukurya Maria

Elizabeti aahikhalana mmusi awe mwali, yoowo aakhala epooma ya oNazarethi, elapo ya oGalileya. Maria aarowa otheliwa ni Yosefe, kalapintero. Okathi Elizabeti aarupanle awe erukulu ya myeeri 6, nlaikha Gabriyeli naahimukhumelela Maria. Nlo naalavunle so: ‘Murettele okhale ni nyuwo, Maria. Yehova ohooreelihani vanceene’. Maria khaasuwela yootaphulela ya masu ale. Gabriyeli aahimuleela wira: ‘Munoorupala ni munoomuyara mwaana mwaamulopwana, nto muhaana onvaha nsina na Yesu. Mwaana owo onrowa okhala Mwene. Omwene awe khummala-tho’.

Maria aahaakhula wira: ‘Miyo nkitonko orupa ni mulopwana. Kinrowa omuyara sai mwaana?’ Gabriyeli aahimwaakhula wira: ‘Khiivo etthu Yehova enooceela awe. Munepa wootteela onimookhuruwelani ni munookhalana mwaana mwaamulopwana. Nave mmusi anyu Elizabeti vano oorupala’. Maria aahimuhimeerya wira: ‘Miyo ka murumeyi a Muluku. Yiiraneyeke ntoko sihimmya anyu’.

 Maria aahirowa muttetthe wa omiyaakoni wira amuxukurye Elizabeti. Okathi Maria aamukonhe awe ihaali, mwaana ari mmirimani mwa Elizabeti aahitannyeya. Osareyale ene munepa wootteela, Elizabeti aahilavula so: ‘Maria, Yehova ohooreelihani. Eparakha yuulupale oxukuriwa owannyaka ni maama awe Pwiya aka’. Maria aahihimya-tho wira: ‘Kinoomuttottopela Yehova ni murima aka wotheene’. Maria aahikhala myeeri miraru ni Elizabeti, nuumala-vo aahihokolowela owannyawe oNazarethi.

Vaavo Yosefe aasuwenle awe wira Maria aahirupala, aahuupuwela omuhiya. Masi nlaikha naahimukhumelela moolohani khumuleela so: ‘Muhoovelele omuthela Maria. Khiivo etthu yoohiloka epanke awe’. Nto Yosefe aahimuthela Maria khumurowana owannyawe.

“Apwiya àpattuxa sothene sitthunnyaya wirimu n’ilapo ya vathí”.​—Esalimo 135:6