Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Mwiixutte Myaha sa Biibiliya

 YOOSOMA 67

Ixiri sa oYerusalemu

Ixiri sa oYerusalemu

Nrowe ntthikele ottuli iyaakha vakhaani. Nehemiya, murumeyi a mwene Artaserse, aari mwIsarayeli ni aakhala elapo ya oPersia muttetthe wa oSusa. Okathi owo aahirwa munnawe aakhuma oYuda, khumuhimeerya so: ‘Atthu ahokolowenle oYerusalemu annihaawa vanceene. Ixiri sa epooma seiye saapwexiwe ni anakhotto a oBabilonia, nlelo khasilokiheriwe’. Ihapari iyo saahimuxankiha Nehemiya. Owo aahuupuwela orowa waakhaliherya atthu awe, nto aahinvekela Yehova wira mwene omweemiherye orowa.

Muhoolo mwaya, mwene aahiweha wira Nehemiya aahiriipiwa murima. Nto aahimukoha so: ‘Nkitonko woowehani siiso. Exeeni yooriipinheni murima?’ Nehemiya aahimwaakhula wira: ‘Kihiniriipiwa sai murima, ixiri sa muttetthe aka Yerusalemu siphweeyale ene?’ Mowaakuveya, Nehemiya aahipaka nivekelo noohiiwanyeya. Nuumala-vo aahinvekela mwene oriki: ‘Xontte mukihiye kirowe oYerusalemu kateke-tho ixiri sa muttetthe ole’. Mwene Artaserse aahimweemiherya Nehemiya orowa. Nave mwene aahipaka etthu wira owo eette saana mukwaha ole woorakama. Nuumala-vo aahimukhaliha Nehemiya guvernatoro a oYuda ni aahinvaha ithaapwa wira apake mikhora sa epooma ele.

Okathi Nehemiya aaphiyale awe oYerusalemu, aahiwehaweha ixiri sa epooma ele. Nuumala-vo aahaathukumanya anamukuttho ni makhulupale ni aahaaleela so: ‘Etthu ela khelonke. Nihaana olokiherya ixiri iya’. Atthu otheene yaaheemererya, ni yaahipacerya muteko owo.

Masi atthu akina yahaaphavela aIsarayeli yanaaveeha ahimyaka so: ‘Khwatte mmosa onoowerya omoroxa exiri eniteka anyu’. Alipa ooteka khiyaacanle moolumo awo ni yaahivikaniha muteko aya. Exiri ele yaanitepa orakama ni olipa.

Awanani awo yaahiiwanana orukurerya muttetthe ole ni otuphela mootutuxerya. Okathi aYuda yaaleeliwe aya palano owo, yaahilipiha murima. Nehemiya aahaaleela atthu wira: ‘Muhoove. Yehova ori ni hiyo’. Nuumala-vo, aahaathanla maguarda wira ewehaweheke, nto awanani ale khiyaawenrye waatuphela.

 Muhina mwa mahiku 52, ixiriiye saahimalihiwa. Nehemiya aahaalattula aLevi otheene oYerusalemu wira sitthukuleliwe ixiri iye. Owo aahaathanla alipa oowiipa igrupu piili. Awo yaahiwela exiri arumeelaka ixikatta saavira Mukhora wa Ehime, nuumala-vo yaahivalaana anarukurerya epooma. Yaahoopa malope, apankwe, ni axittaattha emwiipelaka Yehova. Ézira aaronwe ni egrupu emosa, nave Nehemiya aaronwe ni egrupu ekina, awo yaaheetta vasulu va ixiri iye ni yaahikumana otemplo. Atthu otheene, alopwana, athiyana, ni anamwane yaahinvaha mukuttho Yehova ni yaahipaka efesta. Okhuwela waya moohakalala waahiphiya ottaiwene.

“Iyuma sothene sipakeliwe wolupatthani khasinvara-tho muteko”.​—Yesaya 54:17