Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Mwiixutte Myaha sa Biibiliya

Eliivuru ela enimookhaliheryani wiixutta itthu voohimya sa maphattuwelo a olumwenku, mpakha oyariwa wa Yesu, muteko awe ni mpakha orwa wa Omwene.

Epaphelo ya Nikhuuru Noolamulela

Eliivuru ela enrowa orumeeliwaka sai?

YOOSOMA 1

Muluku Oopaka Erimu ni Elapo ya Vathi

Biibiliya onihimya wira Muluku oopaka erimu ni elapo ya vathi. Niireke mwaanisuwela wira malaikha yaapattuxiwe nuumala Muluku opaka itthu sotheene?

YOOSOMA 2

Muluku Aahimpaka Mulopwana ni Muthiyana Oopacerya

Muluku aahimpaka mulopwana ni muthiyana oopacerya ni aahaapweha ojardim ya wEdeni. Owo aaphavela wira awo epacerihe emusi ni apake elapo yotheene okhala eparayiisu.

YOOSOMA 3

Adamu ni Eva Khiyaamwiiwelenle Muluku

Etthu xeeni ya vameekha aya voohimya sa mwiri wa ojardim ya wEdeni? Xeeni Eva aalyiiye awe muhokorokho?

YOOSOMA 4

Onanariwa Pooti Omwiiriha Mutthu Opaka Itthu Sootakhala!

Muluku aaheemererya mukuttho wa Abeli masi wa Kayini kheemerenrye. Okathi oonale awe okathi wooreerela, aahinanariwa ni aahipaka ehasara yootakhala.

YOOSOMA 5

Ekalawa ya Nowe

Okathi malaikha ootakhala yaathenle aya athiyana a valaponi, awo yaahaayara anamwane yaawo yaari ootakhala-tho. Otakhala waahuulaana. Masi Nowe khaalikana ni atthu akina, owo aanimphenta ni omwiiwelela Muluku.

YOOSOMA 6

Atthu 8 Yaahoopowa Khukela Elapo Yooreera

Epula yaahirupa mahiku 40 ohiyu ni othana. Nowe ni emusi awe yaahikhala mukalawani mme ovikana eyaakha emosa. Wanikisa waya Muluku aahaaruma okhumela ota.

YOOSOMA 7

Empa Yoorakama ya oBabeli

Atthu akina yaahuupuwela oteka empa yoorakama yeeyo yaarowa ophiya wiirimu. Xeeni Muluku mootutuxerya aawiirinhe awe olavula mattaava oovirikana?

YOOSOMA 8

Abrahamu ni Sara Yaahimwiiwelela Muluku

Xeeni Abrahamu ni Sara yaahiyale aya empa aya enarowa okhalaka moothakoni oKanani?

YOOSOMA 9

Wanikisa Waya Yaahikhalana Mwaana!

Muluku aakhwanihenrye sai yooleiherya aamanenle awe Abrahamu? Mwaana aarowa wiirela mpantta yooleiherya eyo aarowa okhala Isakhi wala Iximayeli?

YOOSOMA 10

Mmuupuwele mwaarawe Lothi

Muluku aahikumiha mooro ni sófiri wiirimu ni aahipaha ipooma sa oSodoma ni oGomora. Xeeni ipooma iye saapwetexiwe aya? Xeeni nintthuneya ahu omuupuwela mwaarawe Lothi?

YOOSOMA 11

Waamini Wawe Waheehereriwa!

Muluku aahimuleela Abrahamu wira: ‘Mmukuxe Isakhi mwaninyu mmosene mmurowane omwaako Moriya mwamwiive mukivahe ntoko mukuttho’. Abrahamu aarowa weehereriwa sai waamini wawe?

YOOSOMA 12

Yakobe Aahaakhela Mareeliho

Isakhi ni Rebeka yaahikhalana anamwane anli Esawu ni Yakobe. Mwaha woowi Esawu taapacenrye oyariwa owo aamukhalana yoohiyeriwa ya vameekha aya. Xeeni aatuminhe aya ni eyoolya?

YOOSOMA 13

Yakobe ni Esawu Yaahitthikela Wiiwanana

Yakobe aareelihiwe sai ni nlaikha? Ni aapacenrye sai wiiwanana ni Esawu?

YOOSOMA 14

Epottha Yaamwiiwelenle Muluku

Yosefe aahipaka etthu yooloka, masi aahivikaniha ohaawa vanceene. Xeeni?

YOOSOMA 15

Yehova Khonamuliyale Yosefe

Nnaamwi Yosefe aarakamelanne ni emusi awe, Muluku aanimukhaliherya.

YOOSOMA 16

Ti Pani Aari Yobi?

Owo aahimwiiwelela Yehova hata aahaawale vanceene.

YOOSOMA 17

Moise aahithanla omukokhorela Yehova

Okathi aari awe mwaana Moise aahoopoliwa ni amamawe wira ohiiviwe.

YOOSOMA 18

Mwiri Waapatta Mooro

Xeeni mooro wahaapaha aya mwiri ole waavarela mooro?

YOOSOMA 19

Ihukhumu 3 Soopacerya

Farawo aahaakumiherya maxakha atthu awe mwaha wa oheemya opaka etthu yootepa okhweya.

YOOSOMA 20

Ihukhumu 6 Soottharelana

Moota xeeni ihukhumu iya saavirikanne aya ni ihukhumu tthaaru soopacerya?

YOOSOMA 21

Ehukhumu ya Namuloko

Ehukhumu ele yaari yuulupale hata Farawo aahaahiya erowaka.

YOOSOMA 22

Mwiiriirya Ephareya Yooxeerya

Farawo aahiweha mpakha ihukhumu iye 10, masi aahoopowa okathi saakhumelela aya miiriirya iyo sa Muluku?

YOOSOMA 23

Awo yaahimuleiherya Omwiiwelela Yehova

AIsarayeli yaahipaka yooleiherya yavameekha aya okathi yaari aya moothakoni mwa omwaako Sinayi.

YOOSOMA 24

Awo Khiyaapanke Ele Yaaleihenrye Aya

Vaavo Moise aakhela awe Sooruma Muloko aIsarayeli yaahipaka etampi yuulupale.

YOOSOMA 25

Etabernaakulu Yeeyo Aakokhoreliwa Muluku

Eheema ela ya vameekhaaya yaakhalamo ekaaxa ya nivarihano.

YOOSOMA 26

Anamahottela 12

Yoxuwa ni Kalebi khiyaalikana ni anamahottela akina yaawo yaarowanne aya ohottela elapo ya oKanani.

YOOSOMA 27

Awo Yaahihiya Omwiiwelela Yehova

Kore, Datani, Abirami, ni alopwana akina 250 khiyaakhwanihenrye muteko mmosa wootthuneya voohimya sa Yehova.

YOOSOMA 28

Buuru a Balaamu Onnilavula

Buuru aahinweha mutthu balaamu ahaawerya awe omoona.

YOOSOMA 29

Yehova Aahimuthanla Yoxuwa

Muluku aahinvaha Yoxuwa malakiheryo yaawo annikhaliherya olelo-va.

YOOSOMA 30

Rahabi Aahiwiipithiha Anamahottela

Ixiri sa oYerikho saahimorela vathi. Masi Rahabi ni emusi awe aahivikaniha okhala mpaani hata yaasuwela wira empa ele yaapakiwe ni ixiri.

YOOSOMA 31

Yoxuwa ni MaGibeyoni

Yoxuwa aahinvekela Muluku ohimyaka so: “Weyo nsuwa, wemele”. Niireke Muluku aahimwaakhula?

YOOSOMA 32

Muhooleli a Ninaano ni Athiyana Anli Oolipa Murima

Nuumala Yoxuwa okhwa, aIsarayeli yaahipacerya okokhorela ilatarato. Okumi waari wooxankiha masi nikhaliheryo naarwiiye orweela wa muhooleli Barukhi ni profeta muthiyana Deebora ni ekhomo ya eheema ya Yayeli!

YOOSOMA 33

Ruthi ni Nowemi

Anaamukhweli anli yaahitthikela wIsarayeli. Mmosa a yaawo, Ruthi, aahirowa ovara muteko mmatta, memmo aawehiwe awe ni Bowazi.

YOOSOMA 34

Gedeyoni Aahaaxintta Anakhotto a oMadiyani

Nuumala aMadiyani waahaaxa aIsarayeli, aIsarayeli yaahinvekela yaahinvekela Yehova wira aakhaliherye. Moota xeeni anakhotto vakhaani a Gedeyoni yaawenrye aya waaxintta anakhotto 135 a oMadiyani?

YOOSOMA 35

Ana Aahivekela Okhalana Mwaana Mwaamulopwana

Elikana aahimukuxa Ana, Penina, ni anamwane erowaka okokhorela oTarbernaakulu ya oSilo. Vaavo yaaphiyale aya, Ana aanivekela okhalana mwaana. Nuuvira eyaakha, Samuweli aahiyariwa!

YOOSOMA 36

Natiri a Yefte

Natiri xeeni Yefte aampanke awe, ni nthowa xeeni? Mwaana mwaamuthiyana a Yefte aamoonenle sai natiri a paapa awe?

YOOSOMA 37

Yehova Aahimulavuliha Samuweli

Aana anli a Muulupale a Anamukuttho Eli, yaarumeela ntoko anamukuttho oTabernaakulu, masi awo khiyaamwiiwelela nlamulo na Muluku. Mmiravo Samuweli aari oovirikana. Ohiyu omosa Yehova aahilavula ni Samuweli.

YOOSOMA 38

Yehova Aahinvaha Ikuru Sansoni

Muluku aahinvaha ikuru Sansoni wira owane ni aFilisti, masi okathi Sansoni aapanke awe yoothanla yoohiloka aFilisti yaahinvara.

YOOSOMA 39

Mwene Oopacerya a wIsarayeli

Muluku aanaavaha aIsarayeli makhulupale wira yaahooleleke, masi awo yaavekenle okhalana mwene. Samuweli aahimuthanla Sawuli wira okhale mwene oopacerya, masi nuuvira okathi Yehova aahimukhootta Sawuli. Nthowa naya?

YOOSOMA 40

Davidi ni Goliyathi

Yehova aahimuthanla Davidi wira okhale mwene a wIsarayeli muhoolo. Nave Davidi aahooniherya wira omuroromela Yehova etthu yooreera.

YOOSOMA 41

Davidi ni Sawuli

Xeeni atthu ala yaanyokhana aya, ni moota xeeni ole aanyokhiwa oonela awe?

YOOSOMA 42

Olipa Murima ni Ororomeleya wa Yonathani

Mwanawe mwene Sawuli, aahikhala mpatthani awe eekeekhai Davidi.

YOOSOMA 43

Ottheka wa Mwene Davidi

Yoothanla yoohiloka yaahikumiherya mixankiho sinceene.

YOOSOMA 44

Etemplo ya Yehova

Muluku aaheemererya yooveka ya Mwene Salomoni ni aahinvaha iparakha sinceene.

YOOSOMA 45

Omwene Waahikawanyeya

AIsarayeli anceene yaahihiya omurumeela Yehova.

YOOSOMA 46

Aahooniheriwa Muluku Eekeekhai Omwaako Karmelo

Ti pani ori Muluku eekeekhai? Yehova wala Bayali?

YOOSOMA 47

Yehova Aahimulipiha Eliya

Niireke nyuwo munuupuwela wira owo onoowerya-tho woolipihani?

YOOSOMA 48

Mwaana Mwaamulopwana a Naamukhweli Aahitthikela Okhala Mukumi

Miiriirya miili opuro mmosaru!

YOOSOMA 49

Pwiyamwene Ootakhala Onnihukhummwa

Yezabeli aahuupuwela omwiiva mulopwana mmosa aitthaniwa Nabothi wira omwiiyerye ematta awe ya uva! Otakhala wawe ni ohixariya waahiwehiwa ni Yehova Muluku.

YOOSOMA 50

Yehova Aahimwaakiha Yosafati

Mwene ooloka Yosafati aahimulompa Muluku okathi Yuda aaphavela awe otupheliwa ni awanani.

YOOSOMA 51

Nakhotto ni Mwaaruusi

Mwaaruusi mwIsarayeli aahimuleela pwiya awe voohimya sa owerya wuulupale wa Yehova; eyo yaahikumiherya mwiiriirya.

YOOSOMA 52

Anakhotto a Mooro a Yehova

Moota xeeni murumeyi a Eliseyo aawenhe awe wira ‘anakhotto arina ahu khareere waatta waavikana awo’.

YOOSOMA 53

Olipa Murima wa Yehoyada

Anamukuttho oororomeleya yaahimweemexa pwiyamwene ootakhala.

YOOSOMA 54

Yehova Aahimpixerya Murima Yona

Moota xeeni profeta a Muluku aamiriwe awe ni ehopa yuulupale? Owo aakhumme sai? Etthu xeeni yootthuneya Yehova aamwiixuttinhe awe Yona?

YOOSOMA 55

Nlaikha na Yehova Naahimwaakiha Ezekiya

Awanani aYuda yaahimya wira Yehova khaarowa waakhapelela atthu awe, masi eyo yaari ethiru!

YOOSOMA 56

Yosiya Aaniphenta Malamulo a Muluku

Yosiya aarina paahi iyaakha 8 vaavo aakhanle awe mwene, owo ahaakhaliherya atthu omukokhorela Yehova.

YOOSOMA 57

Yehova Aahimuruma Yeremiya Olaleerya

Etthu xeeni mmiravo ola profeta aahimmye awe yahaareere waananara makhulupale a oYuda?

YOOSOMA 58

Opwetexiwa wa Yerusalemu

Atthu a oYuda ni oYerusalemu yaahitthikela-tho waakokhorela amuluku eethiru, nto Yehova aahaanyanyala.

YOOSOMA 59

Amiravo Axexe Yaawo Yaamwiiwelenle Yehova

Amiravo aYuda yaahipaka yoothanla ya ovikaniha omwaamini Yehova hata yaakhala wa mwene a oBabilonia.

YOOSOMA 60

Omwene Ohinrowa Omala

Daniyeli aahitthokiherya yootaphulela ya oloha wa Nabukhodonosori.

YOOSOMA 61

Awo Khiyuuramme Ohoolo wa Elatarato

Xadraki ni Mexaki ni Abedi-Nego yaahikhootta okokhorela elatarato ya eweero ya mwene a oBabilonia.

YOOSOMA 62

Omwene Yoowo Onlikana ni Mwiri Muulupale

Oloha wa Nabukhodonosori waathoonyerya okumi awe wa muhoolo.

YOOSOMA 63

Moolumo Yaalempwale Vaxirini

Yaakhumelenle silini etthu ela yootikiniha ni yaataphulela exeeni?

YOOSOMA 64

Daniyeli Munlittini na AKharamu

Munvekeleke Yehova mahiku otheene, sintoko iira awe Daniyeli!

YOOSOMA 65

Estheri aahiwoopola atthu a nloko nawe

Nnaamwi Estheri aari a elapo ekina owo aahihiya okhala ekhwaasuni khukhala pwiyamwene.

YOOSOMA 66

Ézira Aahiixuttiha Nlamulo na Muluku

Nuumala aIsarayeli onwiriyana Ézira yaahimuleiherya Muluku.

YOOSOMA 67

Ixiri sa oYerusalemu

Nehemiya aahileeliwa wira awanani awe yahimpaka palano wira yaatuphele. Xeeni owo ahoovale awe?

YOOSOMA 68

Elizabeti Aahikhalana Mwaana

Xeeni iyawe Elizabeti aaleeliwe awe wira khaarowa olavula npakha mwaana oyariwa?

YOOSOMA 69

Nlaikha Gabriyeli Naahimuxukurya Maria

Owo aahinvaha ihapari seiyo saturunke okumi aya.

YOOSOMA 70

Malaikha Yaahilaleya Oyariwa wa Yesu

Amakampusi yaiwale ihapari silaleiwaka yaahipaka etthu moohipisa.

YOOSOMA 71

Yehova aahimukhapelela Yesu

Mwene ootakhala aaphavela omwiiva Yesu.

YOOSOMA 72

Mmiravo Yesu

Moota xeeni aatikininhe awe awiixuttihi a mutemplo?

YOOSOMA 73

Yohani aahilokiherya ephiro

Yohani aahinnuwa khukhala profeta. Owo aahiixuttiha wira Mesiya aahirwa. Atthu yoonenle sai ihapari aalaleya awe?

YOOSOMA 74

Yesu Aahikhala Mesiya

Yaataphulelani moolumo a Yohani aahimmye wira ‘Ola Mwapwittipwitthi a Muluku, onttipiha yottheka ya elapo’?

YOOSOMA 75

Diabo Aahimweehererya Yesu

Diabo aahimweehererya Yesu ikwaha tthaaru. Soweeha xeeni tthaaru? Yesu oonenle sai?

YOOSOMA 76

Yesu Aahireeriha Etemplo

Xeeni Yesu aapanke awe ekopo ya mukhoi ni woomola inama saari mutemplo? Exeeni yaamwiirinhe opittula meesa a alipa yaaturuka musuruku?

YOOSOMA 77

Muthiyana Aarika Maasi

Muthiyana muSamariya aarika maasi veehimeni va Yakobe aahitikinihiwa ni itthu aaleeliwe awe ni Yesu. Mwaha wa xeeni? Niireke muthiyana ole khatonko owiiwa atthu akina elavulaka itthu iye?

YOOSOMA 78

Yesu Aahilaleya Ihapari sa Muluku

Yesu aahaalattula atthareli awe akina wira ekhale ‘atothi a atthu’. Nuumala Yesu owiixuttiha atthareli awe 70, aahaaruma orowa olaleerya. Vaavo awo yaalaleya aya mittetthe sa oGalileya, atthu akina anceene yaanikhala-tho atthareli ni yaanibatiziwa.

YOOSOMA 79

Yesu Aahipaka Miiriirya Sinceene

Khula opuro Yesu aarowa awe, atthu yaawereiwa yaanimurweela wira aakhaliherye, ni aanaapenuxa otheene aya. Hata atthu yaale yaavara paahi ikuwo sawe, oretta aya waanimala.

YOOSOMA 80

Yesu Aahaathanla Arummwa 12

Exeeni aarumme opaka? Nyuwo munnuupuwela masina?

YOOSOMA 81

Olaleerya Vamwaako

Yesu aahiwiixuttiha atthu anceene itthu sootthuneya.

YOOSOMA 82

Yesu Aahiwiixuttiha Atthareli Awe Moota Woovekela

Itthu xeeni Yesu aarummye awe atthareli awe wira elipeleleke?

YOOSOMA 83

Yesu Aahaavaha Eyoolya Atthu Anceene

Miiriirya iyo sinniiixuttiha exeeni voohimya sa Yesu ni Yehova?

YOOSOMA 84

Yesu Aaheetta Vasulu va Maasi

Munniwerya wuupuwela moota arummwa yaahakalanle aya vaavo yaawenhe aya mwiiriirya ole?

YOOSOMA 85

Yesu Aahaapenuxa Aretta Nihiku na Saabadu

Xeeni atthu otheene yaahakalala aya ni itthu Yesu aapaka awe?

YOOSOMA 86

Yesu Aahimuhihimuxa Laazaro

Okathi Yesu aamoonale awe Maria anlaka, owo-tho aahipacerya wunla. Wunla waya moohipisa waahipakeya ohakalala.

YOOSOMA 87

Yoolya ya Ohiyu Yookiserya ya Yesu

Yesu aahiwiixuttiha itthu sootthuneya atthareli awe okathi yaalya aya eyoolya yookiserya ya Yesu ya ohiya ya Apwiya.

YOOSOMA 88

Yesu Aahivariwa

Yuda Isikaryoti aahihoola muttitthi muulupale wa anakhotto akunxe ene ikatana ni mavaka erowaka oJardim ya oJeseemani wira yanvare Yesu.

YOOSOMA 89

Pedru Aahimukhootta Yesu

Exeeni yaakhumelenle owannyawe Kaifa? Nave exeeni iirihiwe awe Yesu okathi ari awe mpaani?

YOOSOMA 90

Yesu Aahikhwa oGólgotha

Xeeni Pilato aruminhe awe wira Yesu iiviwe?

YOOSOMA 91

Ohihimuxiwa wa Yesu

Itthu xeeni sootikiniha saakhumelenle nihinatthi ophiya nihiku Yesu aiviwe awe?

YOOSOMA 92

Yesu Aahaakhumelela Atothi a Ihopa

Exeeni Yesu aapanke awe wira awo emusuwele?

YOOSOMA 93

Yesu Aahitthikela Wiirimu

Ohinatthi opaka eyo, masi, aahaavaha atthareli awe muteko wootepa otthuneya.

YOOSOMA 94

Awiixutti Yaahaakhela Munepa Wootteela

Mwiiriirya xeeni awiixutti yaavahiwe aya ikuru wira epake?

YOOSOMA 95

Khuuvo Aawerya Waahiiha!

Ahooleli a itiini yaawo yaamwiivale Yesu yaanimananiha waahiiha awiixutti olaleerya. Masi awo khiyaawenrye.

YOOSOMA 96

Yesu Aahimuthanla Saulo

Saulo anaalupattha vanceene makristau, masi okumi awe waarowa oturukeya.

YOOSOMA 97

Kornelio Aahaakhela Munepa Wootteela

Xeeni Muluku aamurummye awe Pedru orowa owannyawe mmalapo owo?

YOOSOMA 98

EKristau Yaahuulaana Ilapo Sinceene

Paulo ni mamisionaario makina yaahipacerya muteko woolaleerya ilapo sootteivela.

YOOSOMA 99

Guarda a Ekhatteya Aahiixutta Ekeekhai

Moota xeeni munepa wootakhala, etetere, ni ekatana siniirela aya mpantta yowiiraneya ela?

YOOSOMA 100

Paulo ni Timootheyo

Alopwana anli yaavara hoothe muteko ntoko apatthani mwa iyaakha sinceene.

YOOSOMA 101

Paulo Aahiroihiwa oRoma

Mukwaha ole waahisareya itthu sowoopiha, masi khuuvo muxankiho waamwiirinhe murummwa Paulo woova.

YOOSOMA 102

Sowoonihiwa sa Yohani

Yesu aahimooniherya Yohani itthu sinceene saarowa okhumelela muhoolo.

YOOSOMA 103

‘Omwene Anyu Orwe’

Itthu ooniheriwe awe Yohani sinnooniherya moota Omwene wa Muluku onrowa aya orukunuxa omwene valaponi.