Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Omwene wa Muluku Onnilamulela!

Moono woothiyana: Emusi ya oBetheli emutthapelaka Natali aya ookiserya, 1926; Moono woolopwana: Atthu annoona wira Anamoona a Yehova toovirikana

 EPANTTE 3

Malamulo a Muluku​—Ophavelasa Exariya ya Muluku

Malamulo a Muluku​—Ophavelasa Exariya ya Muluku

 NYUWO munneemexa ntata khiyattikinya wira mmulavulihe namwaattamanani anyu muriki ovira. Khalai ene nyuwo mwahoona wira owo aanoowehani nyuwo ni emusi anyu. Vano owo onnittikinya ntata nave nto khiyawiitthanani. Khiyahimya so: “Kokhala owookohani etthu emosa? Exeeni enwiirihani nyuwosa okhala oovirikana?” Nyuwo khiyamukoha so: “Mumphavela ohimya exeeni?” Nto owo khiyalavula oriki: “Nyuwo mwa anamoona a Yehova, kira? Nyuwo khamunilikana ni atthu akina. Nyuwo khimunaatakiha atthu a itiini sikina, khamunitthapela iferiado, nave munnikhootta myaha wa ipoliitika ni ikhotto sa mulaponi. Khuuvo onimpaha soona. Imusi sanyu sinnooniherya okhalana mweettelo wooloka ni wowiisumaaliha. Nto exeeni eniwiirihani nyuwo okhala oovirikana mwa inamuna sinceene ni atthu akina?”

Vano nyuwo munnisuwela wira waakhuliwa waya ti wookhweya wira: Okhala wira hiyo ninlamuleliwa ni Omwene wa Muluku. Mwene ahu Yesu, onninreeriha saana. Owo onnintumererya otthara mavalo awe ni okhala oovirikana ni olumwenku ola wootakhala. Mpantta ola hiyo ninrowa woona moota Omwene wa Mesiya onaalokiherya awe atthu a Muluku mmukhalelo wa omunepani, mweettelo ni okhala ootthokiheya wira aweryeke ovuwiha nsina na Yehova.

EPANTTE ELA

MURU 10

Mwene Onnaalokiherya Atthu Awe Momunepani

Onilikana sai Natali ni mwiikimanyo?

MURU 11

Oreerihiwa wa Mweettelo​—Weiwo Onooniherya Waarya wa Muluku

Nipuro na maguarda ni mikhora sa etemplo ya Ezekiyeli yaahikhala yootaphulela yuulupale mwaakha wa 1914.

MURU 12

Okhala Ootthokiheya Wira Amurumeele “Muluku a Murettele”

Biibiliya khonilikanyiha ohiiwanana ni wiiwanana masi onilikanyiha ni murettele. Moota xeeni? nto waakhuliwa wa nikoho nlo onaavara sai maKristau olelo-va?