Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Owehaweha (Onisommwa Mmulokoni)  |  Junyo 2016

Munnuupuwela?

Munnuupuwela?

Niireke moosoma saana irevista Owehaweha sa naanano? Weeso, moone akhala wira munoowerya waakhula makoho anittharelana:

Xeeni Yehova eemererya awe ikhotto saawaniwa wIsarayeli a khalai?

Yehova toophenta. Nnaamwi vari siiso, okathi omosa, vaavo atakhali yaahaaxa aya arumeyi awe, Yehova aahiweemererya wira awane ekhotto. Masi owo taathanla okathi ni tani yaareerela orowa okhottoni.w15 1/11, ipax. 4-5.

Itthu xeeni sootthuneya anamuyari anireerela aya opaka wira ewiixuttihe anaaya amiravo omurumeela Yehova?

Ti vootthuneya anamuyari waaphenta anaaya amiravo, ni waavaha ntakiheryo na wiiyeviha. Nave ti vooloka anamuyari wooniherya miruku ni waasuwela saana anaaya amiravo.w15 15/11, ipax. 9-11.

Xeeni vahinreerela aya paapa othokoreriwa okhala namaranttela a Pedru?

Eliivuru ya Matheyo 16:17, 18 khenihimya wira murummwa Pedru aarowa okhala muhooleli aahiiso muru wa muloko wa eKristau. Biibiliya onnooniherya wira Yesu, taarowa okhala nluku ninlipiha empa, omuhiya Pedru. (1 Ped. 2:4-8)w15 1/12, ipax. 12-14.

Itthu xeeni sinireerela ahu othokorerya nihinatthi olavula?

Wira nirumeele saana eyano ahu, nihaana wuupuwela itthu iya: (1) okathi onireerela olavula (Mus. 3:7), (2) etthu yooreerela olavula (Mir. 12:18) ni (3) enamuna yooreerela olavula (Mir. 25:15).w15 15/12, ipax. 19-22.

Inamuna xeeni sa ohiroromeleya maKristau anireerela aya osyaka?

MaKristau eekeekhai annisyaka wootha. Awo khaniwootherya atthu mwa enamuna enrowa waakumiherya mixankiho, ni khanimwiiyerya mutthu.wp16.1, epax. 5.

Ti pani yaari ‘alupale ànamukuttho’, yaawo aniromoliwa mBiibiliyani?

Nuulumo noowi ‘alupale ànamukuttho’ woonasa wene naamuhimya mukhulupale a anamukuttho, waahela muhina ale yaari akhulupale a anamukuttho khalai.wp16.1, epax. 10.

Nimooneleke sai mutthu onilya ithoonyeryo sa Niira na Wuupuwelela?

MaKristau khanaavuwiha ale anilya ithoonyeryo iyo. Tthiri ale yoottihiwe khaniphavela ovuwihiwa; nnakhala khaniphavela olaleya wira toowoottihiwa. (Math. 23:8-12) w16.01, ipax. 23-24.

Exeeni eniixutta ahu voohimya sa moota Abrahamu aakhanle awe mpatthani a Muluku?

Abrahamu aahimusuwela Muluku, woonasa wene okhaliheriwaka ni Semi. Moota Muluku aathokorenrye awe emusi ya Abrahamu yaahimukhaliherya vanceene. Nave-tho hiyo nihaana weererya opaka etthu emosaru.w16.02, ipax. 9-10.

Ti pani omukawannye Biibiliya wira okhalane ikapiitulu ni iversiikulu?

Eseekulu 13, muhooleli a etiini, Stephen Langton, aahimukawanya Biibiliya khukhalana ikapiitulu. Alipa-oolepa aYuda yaahikawanya soolepa sa eHeeberi, khukhalana iversiikulu, vano eseekulu 16, musomi Robert Estienne aahipaka etthu emosaru ni soolepa sa eGriki sa eKristau.wp16.2, ipax. 14-15.

Okathi Satana aamweehererya awe Yesu, niireke aaromuteexa vowooneya khumuroiha otemplo oYerusalemu?

Hiyo khaninsuwela saana akhala wira eyo ti yiiraneyale. Matheyo 4:5 ni Luka 4:9 pooti otaphulela wira, mmuupuweloni wala moolohani, Satana aahimuroiha Yesu opuro ole, aahiiso Yesu arimweemela nipuro noorekamexa vasulu va etemplo.w16.03, ipax. 31-32.

Mwa inamuna xeeni muteko ahu woolaleerya onlikana aya ni okame?

Okame onipakeya vakhaani-vakhaani, onniriiriha murima ahu aahiiso okumi ahu. Tthiri okame owo mareeliho anikhuma wa Muluku. (Otum. 33:13) Wiimananiha wa atthu a Muluku mmuteko woolaleerya onlikana ni okame.w16.04, epax. 4.