Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Owehaweha  |  N.° 3 2016

Mapuro oopintariwa anithoonyerya nsina na Muluku mwa iliivuru sa khalai sa Biibiliya soolempwa ni matata

Biibiliya Onihimya Exeeni?

Biibiliya Onihimya Exeeni?

Niireke Muluku ookhalana nsina?

ATTHU AKINA ANIKUPALI WIRA owo khorina nsina, akina anihimya wira nsina nawe ti “Muluku”, aahiiso “Apwiya”, ni akina anihimya-tho wira Muluku ookhalana masina manceene. Munoonela sai?

ELE BIIBILIYA ONIHIMYA AWE:

“Nyuwo, nsina nanyu ti Yehova, nyuwo paahi ti mukhanle a Vasuluxa a elapo yotheene”.Esalimo 83:18, Tradução do Novo Mundo.

EXEENI-THO BIIBILIYA ONIHIMYA AWE?

  • Nnaamwi Muluku orina ene maihaneliwo manceene, owo iivanhe nsina nimosa paahi.Okhuma 3:15, NM.

  • Muluku khahiyo ori ntoko etthu ehinisuwanyeya; owo oniphavela wira nimusuwele.Miteko 17:27.

  • Osuwela nsina na Muluku pooti okhala nivalo noopacerya wira mpatthane ni yena.Yakobo 4:8.

Niireke ti vootthekeya oromola nsina na Muluku?

NIIREKE MUNAAKHULA WIRA. . .

  • Aayo

  • Nnaari

  • Woonasa wene?

ELE BIIBILIYA ONIHIMYA AWE:

“Muhiromolé nsina n’Apwiya, [Yehova] Muluku anyu, vethiru walá mothaka”. (Okhuma 20:7) Nto ti vootthekeya orumeela nsina na Muluku akhala wira ninrumeeliwa mwa enamuna ehinooniherya nttittimiho.Yeremiya 29:9.

EXEENI-THO BIIBILIYA ONIHIMYA AWE?

  • Yesu aanisuwela ni aanirumeela nsina na Muluku.Yohani 17:25, 26.

  • Muluku onninlattula omuromola yena nirumeelaka nsina nawe.Esalimo 105:1.

  • Awanani a Muluku annimananiha waaliyaliha atthu nsina nawe.Yeremiya 23:27.

 

MWIIXUTTE SIKINA

IHAPARI SOOREERA SINIKHUMA WA MULUKU!

Niireke Muluku Ookhalana nsina?

Muluku ookhalana miitthaneliwo manceene a nttittimiho, ntoko Nanwerya Sotheene, Mpattuxa, ni Pwiya. Eviidiyu ela enittittimiherya nsina na Muluku nenno nimphwanyaneya ikwaha sinivikana 7,000 mBiibiliyani.