Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

OWEHAWEHA (ONISOMMWA MMULOKONI) Dezembro 2017

Erevista ela erina myaha sinisommwa okhuma esumana 29 a Janero  mpakha 25 a Feverero , 2018.

“Miyo Kosuwela Wira Onohihimuwa”

Exeeni ennikupaliha wira muhoolo atthu akhwiiye anoohihimuxiwa?

“Miyo Kinniroromela Oholo wa Muluku”

Xeeni ohihimuwa ori aya mwiixuttiho woopacerya wa maKristau?

Anamuyari​—Mwaakhaliherye Aniinyu Okhalana Ankhili “Amphwanyiha Wòpowa”

Anamuyari anceene annixanka okathi anaaya aniphavela aya wiivahererya ni obatiziwa. Anamuyari awo anrowa waakhaliherya sai anaaya okhumela saana ni ophwanya woopowa waya?

Amiravo​—“Mwiimananiheke Wira Mphwanye Woopowa Wanyu”

Obatizo nivalo nuulupale, masi khivanitthuneya amiravo woova ni osyaka.

YOWIIRANEYA YA MWEEKUMINI

Koohiya Itthu Sotheene Wira Kimutthare Pwiya

Felix Fajardo aarina paahi iyaakha 16 okathi aapanke awe yoothanla ya okhala muKristau. Nuuvira iyaakha 70, owo khonithanana ni yoothanla awe eyo ya omutthara Pwiya.

Makoho Anikohiwa ni Ale Anisoma Irevista Sahu

Niireke maKristau annireerela orumeela ekaruma enimukhoottiherya muthiyana orupala eniitthaniwa DIU (dispositivo intra-uterino)?