Munnilattuliwa
Wuupuwelela okhwa wa Yesu
Namaxexe, 2 a Abril 2026
Ninnoolattulani orwa oweha mithukumano miili sa mahala
Mwaha wa vameekhaaya onikhuma mbiibiliyani
“Ti pani onrowa owerya olokiherya elapo?”
Munimwiixutta moota elapo enrowa aya olokiheriwa wiira apinaatamu akhaleke elapo yooloka.
Wuupuwelela okhwa wa Yesu
Muthukumano ola, Anamoona a Yehova annuupuwelela okhwa wa Yesu ntoko siisaale aarumme awe. — Luka 22:19.
Makoho animakela okohiwa
Tani anilattuliwa muthukumano owo?
Atthu ootheene annilattuliwa. Pooti orwa ni emusi aya.
Muthukumano owo onrowa oviriha iwoora ikavi?
Mwaha a vameekhaaya onikhuma mbiibiliyani onirowa oviriha iminuutu 30. Nuumala-vo, enrowa othokoreriwa ni alipa-oowiriyana eponto emosa enikhuma mbiibiliyani.
Muthukumano wa wuupuwelela, onrowa oviriha etthu yowiiraka ewoora emosa paahi.
Onrowa opakiwa opuro xeeni?
Wiira mphwanye opuro ene, muttapunye opuro oni: “Mphwanye opuro wa Wuupuwelela” aahiiso “Mphwanye opuro onrowa aya olavuliwa mwaha wa vameekhaaya”.
Niireke mutthu ohaana oliva wiira owehe muthukumano owo, aahiiso ohaana orowela mithukumano sikina?
Nnaari.
Niireke opuro owo onnivekeliwa musurukhu?
Nnaari. Anamoona a Yehova khanivekela musurukhu okathi wa mithukumano saya. — Matheyo 10:8.
Niireke aakhala malamulo a moota woowara mwaarowaka muthukumano owo?
Nnaari. Anamoona a Yehova anniimananiha owara mwa enamuna yookhalela ni enooniherya nttittimiho.
Etthu xeeni enrowa wiiraneya muthukumano wa wuupuwelela?
Wanipacerya wa muthukumano owo, nnimwiipiwa nsipo ni moottharelana nnoopakiwa nivekelo. Nave-tho, wanikisa wa muthukumano owo, nnimwiipiwa nsipo ni opakiwa nivekelo ni Namoona a Yehova. Etthu yuulupale eniiraneya muthukumano wa Wuupuwelela, mwaha onilavuliwa onittittimiherya efaita erina aya okhwa wa Yesu ni etthu nikhanle ahu oopaka wiira nittottele mureerelo etthu Muluku ni Kristu anipakenle aya.
Wiira nwehe itthu sikina, musome mwaha oni: “Xeeni Anamoona a Yehova Anuupuwelela aya Yoolya ya Ohiyu ya Apwiya Moovirikana ni Itiini Sikina?”
Muhoolo, nihiku xeeni onrowa aya opakiwa muthukumano wa wuupuwelela?
2026: Namaxexe, 2 a Abril
2027: Seguda-feira, 22 a Março
2028: Domingo, 9 a Abril
Wiira mwiixutte itthu sikina, nwehe iviidiyu sinittharelana:
Nwehe itthu sinrowa wiiraneya okathi wa muthukumano wa Wuupuwelela ni itthu sooloka sinrowa wiiraneya muhoolo mwaha wa okhwa wa Yesu.
Exeeni Yaamwiirinhe Yesu Okhwa?
Woonasa wene, mootoko wiiwa wiira Yesu okhwiiye mwaha wa itampi sahu. Masi niireke mukuttho wa mutthu mmosa paahi, pooti waaphwanyiha mureerelo atthu imilyau sinceene?
Exeeni Eniiraneya Mithukumano Sinipakiwa Empa ya Omwene?
Xontte, murowe mmansinyu wiira mwawehe etthu eniiraneya.
Mpaxari nlattulo nla