Atthu anceene anoona wiira orumeela mwiikimanyo oniirela mpantta ekristau. Nnaamwi Anamoona a Yehova ari ene makristau, khaniruumeela mwiikimanyo okathi animukokhorela aya Muluku. Mwaha wa xeeni?

 Nthowa nimosa, okhala wiira Biibiliya onihimya wiira Yesu khaakhwiiye vamwiikimanyoni, masi aakhwiye vamwirini va nihaaxeryo. Ohiya-vo, Biibiliya onnaalopola makristau wiira ahaana okhootta ‘waakokhorela amuluku eethiru’, eyo eniheela muhina ohiruumeela mwiikimanyo.—1 aKorinto 10:14; 1 Yohani 5:21.

 Yesu, aahimmye so: “Atthu ootheene anoosuwela wiira mwa awiixutti aka, mwaaphentanaka mukina ni mukhwaawe’’. (Yohani 13:34, 35) Ni moolumo ala Yesu aahooniherya wiira ophenta weekeekhai ti waarowa waasuwanyeiha awiixutti awe eekeekhai, ohiya mwiikimanyo wala etthu ekina enikokhoreliwa.