EPROFESIA

“Vano nyuwo Betelehemu a wEfrata, . . . eriyari anyu onookhumelela ole onrowa olamulelaka wIsarayeli”.

Mikeya 5:2

WIIRANEYA WAYA

“Nuumala Yesu oyariwa oBethelehemu wa oYudeya, mahiku a mwene Herodi, yaahirwa asomi a itheneeri, akhumaka mpantta onikhuma nsuwa, khuphiya oYerusalemu”.

Matheyo 2:1

EPROFESIA

“Awo annikawana malaya aka, ni annaavererya esoorti ikuwo saka”.

Esaalimu 22:18

WIIRANEYA WAYA

“Nuumala omukhomela Yesu vamwirini, atoropa ale yaahikawanya malaya awe a ota mipantta mixexe, . . . Masi nlaya nlo na muhina khinaattotthiwe, ohiya-vo naarootthaviwa okhuma osulu mpakha vathi. Nto, atoropa ale yaahihimeeryana wiira: ‘Nihikhere nlaya nna, masi naavererye esoorti wiira nimoone onrowa ohalana’”.

Yohani 19:23, 24

 EPROFESIA

“Muluku onnikhapelela makhuva awe ootheene; khanivo ninteyale, nnakhala nimosa”.

Esaalimu 34:20

WIIRANEYA WAYA

“Masi okathi yaaphiyale aya vaari Yesu, yaahoona wiira owo iira okhwiiye ene. Tivo, khiyaamuntakanse metto”.

Yohani 19:33

EPROFESIA

“Owo oohommwa mwaha wa soottheka sahu”.

Yesaya 53:5

WIIRANEYA WAYA

“Vano, toropa mmosa aahimuhoma mpararini ni nivaka, niinaano-ru yaahikhuma ephome ni maasi”.

Yohani 19:34

EPROFESIA

“Nto awo yaahikiliva esalaario aka, musurukhu 30 wa eparatha”.

Zakariya 11:12, 13

WIIRANEYA WAYA

“Vano, mmosa a arummwa 12, yoowo aihaniwa Yuda Isikariyoti, aahirowa okumana ni makhulupale a anamukuttho, onahimya wiira: “Munrowa okivaha exeeni koovahereryani Yesu?” Awo yaahiiwanana onvaha musurukhu 30 wa eparatha”.

Matheyo 26:14, 15; 27:5