Pfukelani kha mafhungo

Ndi Ngani Vhathu Vha Tshi Fa?

Ndi Ngani Vhathu Vha Tshi Fa?

Bivhili i a fhindula

Ndi zwa nzulele u ḓivhudzisa uri hu itea mini musi vhathu vha tshi fa, zwihuluhulu musi ro felwa nga mufunwa washu. Bivhili i ri: “Luvholela lu bveledzaho lufu ndi tshivhi.”1 Vhakorinta 15:56.

Ndi ngani vhathu vhoṱhe vha tshi ita tshivhi nahone vha fa?

Adamu na Eva, vhathu vha u thoma, vho fa ngauri vho khakhela Mudzimu. (Genesi 3:17-19) Nga nṱhani ha uri vho shandukela Mudzimu ane a vha “tshisima tsha vhutshilo,” mvelelo dza zwenezwo ho vha lufu.Psalme ya 36:9; Genesi 2:17.

Vhana vhoṱhe vha Adamu vho mamela tshivhi. Bivhili i ri: “Tshivhi tsho dzhena shangoni nga muthu muthihi nahone tshivhi tsha ḓisa lufu, lufu lwa ṱanganya vhathu vhoṱhe, ngauri vhoṱhe vho tshinya.” (Vharoma 5:12) Vhathu vhoṱhe vha a fa ngauri vha a ita tshivhi.Vharoma 3:23.

Nḓila ine lufu lwa ḓo fheliswa ngayo

Mudzimu u fulufhedzisa tshifhinga tshine ‘lufu a ḓo lu lozwa tshoṱhe.’ (Yesaya 25:8) U fanela u fhelisa tshivhi tshine tsha ita uri ri fe, u itela u fhelisa lufu. Mudzimu u ḓo ita zwenezwi a tshi shumisa Yesu Kristo, ane a ‘hwala zwivhi zwa shango.’Yohane 1:29; 1 Yohane 1:7.