Kanzhi munna u ṱanganedza ngoho a tshi itiswa ngauri mufumakadzi wawe u vho ḓifara zwavhuḓi nge a vha Mukriste. Fhedzi onoyo mufumakadzi a nga fara tsha u konḓa lwa miṅwaha minzhi, a tea u konḓelela. (1Pe 2:21-23; 3:1, 2) Arali ni tshi khou tambudzwa, dzulani ni tshi kunda vhuvhi nga zwivhuya. (Rom 12:21) Khamusi munna waṋu a nga kha ḓi sa thetshelesa zwine na mu vhudza nga ha Yehova, fhedzi a tshi vhona tsumbo yaṋu yavhuḓi, a nga shandula nḓila ine a dzhia ngayo ngoho.

Lingedzani u vhona zwithu nga nḓila ine mufarisi waṋu a zwi vhona ngayo. (Flp 2:3, 4) Mu sumbedzeni uri ni a mu pfela vhuṱungu, ni ite zwoṱhe zwine na tea u zwi ita sa mufumakadzi nga hune na nga kona ngaho nahone ni mu ṱhonifhe. Mu thetsheleseni a tshi amba. (Yak 1:19) Ni songo mu fhelela mbilu, ni mu khwaṱhisedze uri ni a mu funa. Naho arali mufarisi waṋu a sa ni ṱhonifha na u ni sumbedza vhuthu, dzulani ni tshi ḓivha uri Yehova u a zwi dzhiela nṱha uri ni a fhulufhedzea.—1Pe 2:19, 20.

ṰALELANI VIDIO INE YA RI: YEHOVA U A RI KHWAṰHISA URI RI KONE U HWALA ZWI RI LEMELAHO, NGA MURAHU NI FHINDULE MBUDZISO DZI TEVHELAHO:

• Wahashu Vho-Grace Li vho sedzana na mini vha tshi kha ḓi bva u vhingwa?

• Ndi mini zwo itaho uri vha takalele mafhungo ngoho a re Bivhilini?

• Ndi mini zwo thusaho Wahashu Vho-Li uri vha konḓelele zwe vha sedzana nazwo musi vho no lovhedzwa?

• Wahashu Vho-Li vho humbela uri Yehova a thuse hani munna wavho?

• Wahashu Vho-Li vho vhuyelwa hani nge vha ḓifara zwavhuḓi na u ṱhonifha munna wavho?