Naa ni kha tshumelo ya tshifhinga tshoṱhe nahone ni miṅwahani ya 23 u ya kha 65? Naa ni na mutakalo wavhuḓi? Naa ni nga kona u shuma hu re na ṱhoḓea? Arali no fhindula na ri ee kha dzenedzi mbudziso, naa no no vhuya na humbula nga ha u ḓiṅwalisela u ya tshikoloni tsha SKE? U bva tshe tshikolo tsha thoma, vhavhingani vhanzhi u katela na vhahashu vha songo vhingaho kana u vhingwa vho no ḓiṅwalisa. Naho zwo ralo, ri khou ṱoḓa uri vhahashu vha tshinnani vha songo vhingaho vha ḓiṅwalise nga vhunzhi. Humbelani Yehova uri a ni thuse ni vhe na lutamo lwo engedzeaho lwa u mu takadza na u edzisa Murwa wawe. (Ps 40:8; Mat 20:28; Hev 10:7) Nga murahu ni humbule nga ha u fhungudza tshifhinga kha zwine zwa khou ni fareledza, hu nga vha mushumo kana zwiṅwe zwa muthu nga eṱhe uri ni fanelee.

Vhe vha ya SKE vho ṋewa mishumo ifhio nahone ngafhi? Vhaṅwe vho iswa fhethu hune ha ambiwa nyambo dzo fhambanaho na dzavho kana u huwelela nga tshigariki fhethu ha vho muthu munzhi (special metropolitan public witnessing.) Vhaṅwe vho mbo ḓi vha vhalavhelesi vha ḽiisela kana vharumiwa. Vhaṅwe vho shuma u thusa vhalavhelesi vha ḽiisela. Ni tshi khou humbula nga ha zwine na nga zwi ita tshumeloni ya Yehova, ni songo hangwa maipfi a muporofita Yesaya ane a ri: “Ndi fhano! Ruma nṋe!”—Yes 6:8.

ṰALELANI VIDIO INE YA RI: VHARUMIWA VHA KHOU ITA MUSHUMO WA U KAṊA, NGA MURAHU NI VHUDZISE MBUDZISO DZI TEVHELAHO:

• Vharumiwa vha khethwa hani?

• Vharumiwa vha khou ita mushumo ufhio wavhuḓi?

• Ndi phaṱhutshedzo dzifhio dzine dza ḓiswa nga u shuma sa murumiwa?