U TSHILA SA VHAKRISTE
Ndi Nga Vha Lini Muvulanḓila Wa U Thusa?
Bono ḽa Hesekiele ḽa thembele ḽi dzumbulula uri vhathu vha Yehova vho vha vha tshi ḓo ṋekedza zwiṱhavhelo nga u ḓifunela. Ri nga shela hani mulenzhe kha u ṋekedza zwiṱhavhelo zwa thendo?—Heb 13:15, 16.
Iṅwe nḓila yavhuḓi ndi nga u shuma sa muvulanḓila wa u thusa. Ṅwaha wa tshumelo wa 2018 u na miṅwedzi yo vhalaho ine ya vha na Migivhela miṱanu kana Swondaha ṱhanu. Zwenezwi zwi a thusa vhukuma kha vhane vha shuma nahone vha wana fhedzi tshifhinga tsha u ya vhuḓinḓani mafheloni a vhege. Zwiṅwe hafhu, vhahuweleli vha nga kha ḓi khetha u shuma awara dza 30 kana 50 nga ṅwedzi wa March na April na nga ṅwedzi une mulavhelesi wa ḽiisela a ḓo vha o dala ngawo.
Hu pfi mini arali zwiimo zwashu zwi sa ri tendeli u vha muvulanḓila wa u thusa? Ri nga lwela u khwinisa vhuḓinḓa hashu nahone khamusi ri nga shuma awara dzo engedzeaho. Hu sa londwi zwiimo, u nga ri nḓila ine ra funa ngayo Yehova i nga ri ṱuṱuwedza uri ri mu ṋee zwa khwine-khwine nga ṅwaha wa tshumelo wa 2018!—Hos 14:3.
Ndi nga edzisa hani u fhisea ha Sabina Hernández?
ṰALELANI VIDIO WITH JEHOVAH, I CAN DO ALMOST ANYTHING NAHONE NI HASELEDZE MBUDZISO DZI TEVHELAHO:
-
Ndi mini zwine zwa ṱuṱuwedza Sabina u ita zwo engedzeaho tshumeloni ya Yehova?
-
Tsumbo ya Sabina i ni ṱuṱuwedza nga nḓila-ḓe?
-
Nga ṅwaha wa tshumelo wa 2018, ni nga dzhia vhuvulanḓila ha u thusa nga ṅwedzi kana miṅwedzi ifhio?
