Naa hu na zwine Bivhili ya amba nga ha khakhathi dzi re hone shangoni dzine ra khou dzi vhona ṋamusi? Naa zwi ḓo ita uri hu vhe na nndwa ya shango?

Bivhili yo dzula yo amba nga ha zwiitea zwi re hone ṋamusi

 Bivhili a yo ngo amba ngaho livhaho uri hu ḓovha na nndwa dzifhio kha dzine ra khou dzi vhona ṋamusi. Naho zwo ralo, yo ri vhudza nga ha nndwa dzo phaḓalalaho dza tshifhingani tshashu dzine dza khou ita “uri hu si tsha vha na mulalo kha ḽifhasi.”—Nzumbululo 6:4.

 Bugu ya Daniele yo dzula yo zwi amba uri “tshifhingani tsha vhufhelo,” mivhuso mihulwane ya shango yo vha i tshi ḓo “lwa” nga tshayo kana u lwela u vhusa shango. Kha honoho u ṱaṱisana ho vha hu tshi ḓo vha na u sumbedzana maanḓa mahulu kha zwa nndwa na u shumisa “lupfumo” lunzhi kana tshelede.—Daniele 11:40, 42, 43.

Nndwa ine ya khou ḓa

 Bivhili i sumbedza uri tshiimo tsha shango tshi ḓo ṋaṋa u vhifha tsha kono u vha khwiṋe. Yesu o dzula o amba uri: “hu ḓo vha na maṱungu mahulu a sa athu u vhuya a vha hone u bva tshee shango ḽa sikwa.” (Mateo 24:21) Eneo “maṱungu mahulu” a ḓo guma nga nndwa ya Haramagedo ine ya ṱaluswa sa ‘nndwa ya ḓuvha ḽihulu ḽa Mudzimu Ramaanḓaoṱhe.”—Nzumbululo 16:14, 16.

 Naho zwo ralo, Haramagedo i ḓo tshidza vhathu hu si u vha fhelisa. Mudzimu u ḓo shumisa yeneyo nndwa u fhelisa mivhuso ya vhathu ye ya ita uri huvhe na nndwa nnzhi dzi tshinyadzaho. U itela u wana uri Haramagedo i ḓo ita hani uri huvhe na mulalo u sa fheli, vhalani thero dzi tevhelaho:

•   “Nndwa Ya Haramagedo Ndi Mini?”

•   “Ro Lavhelela Haramagedo Nga Maṱo Matswuku!”