Nga madekwana Yesu a sa athu u ṋekedza vhutshilo hawe, o vhudza vhatevheli vhawe vha fulufhedzeaho uri vha fanela u humbula tshiṱhavhelo tshawe. O shumisa tshinkwa tshi si na mbiliso na waini tswuku a zwi vhea phanḓa havho, a mbo ḓi thoma zwine zwa vhidzwa Tshilalelo tsha u Fhedza kana Tshilalelo tsha Murena nahone a vha vhudza uri: “Dzulani ni tshi ita zwenezwi u itela u nkhumbula.”—Luka 22:19.

Ṅwaha muṅwe na muṅwe, Ṱhanzi dza Yehova shangoni ḽoṱhe vha kuvhangana u itela u humbula lufu lwa Yesu nga ḓuvha ḽe a fa ngaḽo. Nga 2014, Tshihumbudzo tshi ḓo vha nga Musumbuluwo nga ḽa 14 April, ḽo no kovhela.

Ni a rambiwa nga lufuno uri ni ḓe kha wonoyu muṱangano, hu ḓo vha hu tshi khou ṱolisiswa zwine lufu lwa Yesu lwa amba zwone. Hu dzhenwa mahala kha tshenetshi tshiitea. A hu kolekiwi. Muthu we a ni ṋea wonoyu magazini a nga ni vhudza tshifhinga na fhethu hune ha ḓo farelwa hone Tshihumbudzo tsini na hune na dzula hone kana ni nga ya kha Web site ya jw.org. Nga khumbelo ṅwalani fhasi nga ha tshenetshi tshiitea, ri fulufhela uri ni nga si tshi ṱahele.