A RI ḓivhi dzina ḽawe, fhedzi hu na zwiṅwe zwithu zwa ndeme zwine ra zwi ḓivha nga hae. Ri khou amba nga ha muṅwe ṅwana wa musidzana we a tshila Isiraele nga tshifhinga tsha musi hu tshi khou vhusa Khosi Yehoramu. Yehoramu na vhathu vha lushaka lwa Isiraele vho vha vho shandukela Yehova. Yehova a tendela Vhasiria vha tshi bvela phanḓa vha tshi vha ṱhasela. Ḽiṅwe ḓuvha musi Vhasiria vho ṱhasela shango ḽa Isiraele, vho thuba onoyo ṅwana vha ṱuwa nae Siria.

Zwi tou pfala uri onoyo ṅwana a nga vha o vha o tshuwa vhukuma nahone vha muṱani wa hawe vha nga vha vho ṱungufhala zwihulu. Musi a tshi swika Siria, o mbo ḓi iswa muḓini wa Naemani we a vha e mulangammbi a re na maanḓa wa Siria. E henefho, o mbo ḓi vha mushumeli wa mufumakadzi wa Naemani. Onoyo ṅwana a nga vha o ita zwoṱhe zwine a nga kona uri a kone u ḓowela vhutshilo hawe vhuswa. A nga vha o zwi vhona uri vhathu vha henefho muḓini wa Naemani a vho ngo takala. Vho vha vha songo takala ngauri Naemani o vha e na vhulwadze vhu dinaho vhukuma. O vha e na mapele. Honoho vhulwadze vhu ita uri muthu a vhe na zwilonda nahone nga zwiṅwe zwifhinga a vhu fholi.

Onoyo ṅwana o vha e na mbilu yavhuḓi. O vha a tshi zwi ḓivha uri Naemani ndi swina ḽa Vhaisiraele, fhedzi o mu pfela vhuṱungu u katela na mufumakadzi wawe. O vha a tshi zwi ḓivha uri Naemani a nga fhola. Khamusi vhabebi vhawe vha nga vha vho mu vhudza nga ha nḓila ye Yehova a shumisa ngayo muporofita wawe Elisha u ita zwithu zwi mangadzaho. Fhedzi o vha a sa ḓivhi arali Elisha o no vhuya a fhodza muthu a re na mapele. Naho zwo ralo, onoyo ṅwana o vha e na vhungoho ha uri Yehova Mudzimu wawe a nga shumisa Elisha u ita zwiṅwe na zwiṅwe zwine Yehova a ṱoḓa.

A nga vha o ḓivhudzisa arali a tshi tea u vhudza Naemani na muṱa wawe nga ha Yehova. O vha a tshi zwi ḓivha uri zwi nga mu dzhenisa khomboni ngauri Naemani o vha a tshi gwadamela Rimoni, Mudzimu wa Vhasiria. Nga zwiṅwe zwifhinga, Naemani o vha a tshi ṱuwa na khosi ya Siria vha ya u gwadamela onoyo mudzimu thembeleni ya Rimoni. Zwi vhonala u nga Vhasiria vho vha vha tshi tenda uri onoyo mudzimu wavho u na maanḓa a u ḓisa maḓumbu na dziphenyo. Naemani o vha a tshi ḓo humbula mini nga ha Yehova, Mudzimu ane onoyo ṅwana a mu gwadamela? Khamusi zwo vha zwi sa ḓo mu takadza u humbula uri Yehova a nga kona u ita zwithu zwine Rimoni a si kone u zwi ita. Naho zwo ralo, onoyo ṅwana a nga vha o rabela kha Yehova, a humbela uri a mu ṋee tshivhindi. Nga murahu, a amba na mufumakadzi wa Naemani a ri: “Zwi ḓo vha zwavhuḓi arali muṋe wanga a dalela muporofita wa ngei Samaria! U ḓo mu fhodza mapele awe.”

 O amba eneo maipfi fhedzi kha Bivhili yoṱhe. Ho ngo amba zwinzhi, fhedzi zwe a zwi amba zwo ita uri hu itee zwiṅwe zwithu zwi mangadzaho. Kha vese i tevhelaho, ri vhona Naemani a tshi khou amba na khosi yawe ine ya pfi Benihadada a tshi khou mu vhudza zwe onoyo ṅwana a zwi amba. Khosi ya mbo ḓi rumela Naemani Isiraele, ya mu fha na vhurifhi vhu bvaho musanda he a vha a tshi khou tea u vhu ṋea Khosi Yehoramu. Kha honoho vhurifhi, Benihadada o vha a tshi khou humbetshela Naemani uri a fhodzwe mapele awe.

Musi Naemani o no ṱuwa, vha muṱa wawe na vhashumeli vhawe vho sala vho lindela u vhona uri hu ḓo itea mini khae. Zwi tou pfala uri ṅwana wa Muisiraele o rabela lunzhi, a tshi khou humbela Yehova uri a dzhie vhukando, a sumbedze Naemani uri ndi ene Mudzimu wa ngoho e eṱhe. Ha fhela maḓuvha kana khamusi vhege nnzhi, Naemani a fhedzisela o vhuya. Zwi tou pfala uri vhathu vhoṱhe henefho muḓini vho vha vho takala vhukuma musi vha tshi mu vhona. O vha o fhola, e si tsheena zwilonda nahone lukanda lwawe lu lwavhuḓi lu tshi tou nga lwa mutukana muṱuku.

Onoyo ṅwana a nga vha o vha o thetshelesa nga vhuronwane musi hu tshi khou ambiwa zwe zwa itea: Musi Naemani a tshi swika muḓini wa Elisha, Elisha o rumela muḓinḓa wawe khae uri a mu ṋee vhulivhisi he ha mbo ḓi mu sinyusa vhukuma. Fhedzi vhashumeli vha Naemani vha mu luvheledza uri a thetshelese zwe Elisha a amba nahone nga murahu ha zwenezwo, a zwi ṱhogomela uri u tea u ḓiṱukufhadza. A ya a ḓimbwandamedza Mulamboni wa Yorodane lwa sumbe, a mbo ḓi fhola. Fhedzi ho mbo ḓi itea zwiṅwe zwithu zwi takadzaho u fhira zwoṱhe. U bva nga tshenetsho tshifhinga, Naemani o mbo ḓi thoma u gwadamela Yehova na onoyo ṅwana.

Zwenezwi zwoṱhe zwo itea ngauri ṅwana muthihi fhedzi o vha na tshivhindi, a amba nga ha Mudzimu wawe na nga ha muporofita wa Mudzimu wawe. Ndi ngoho uri a ri ḓivhi dzina ḽawe, fhedzi Yehova u a ḽi ḓivha. Arali na riṋe ra edzisa tshivhindi tsha onoyo ṅwana, ra bvela phanḓa ri tshi fhulufhedzea kha Yehova, ri ḓo mu vhona shangoni ḽiswa musi Yehova a tshi mu vusa. Zwi tou pfala uri zwi ḓo takadza vhukuma u ṱangana nae, ra ḓivha dzina ḽawe nahone ra mu thetshelesa musi a tshi khou ri vhudza mafhungo oṱhe a vhutshilo hawe.

Vhalani nga ha enea mafhungo Bivhilini:

• 2 Dzikhosi 5:1-19

Khaseledzo:

Musidzana muṱuku wa Muisiraele o sumbedza hani u vha na tshivhindi?

 Wanani Zwo Engedzeaho

1. 1. Ndi ngani musidzana muṱuku wa Muisiraele a tshi nga vha o tshuwiswa nga vhathu vha Siria na u mangadzwa nga zwe vha vha vha tshi zwi ita? (w96 5/15 8 ¶3) A

   Phindulo yaṋu

   Courtesy of Musée du Louvre, Paris

2. 2. Hu itea mini musi muthu e na mapele? (it “Mapele” ¶3-5-wcgr)

   Phindulo yaṋu

3. 3. Ndi ngani Elisha a songo ṱanganedza tshifhiwa tsha Naemani? (w05 10/1 19 ¶2)

   Phindulo yaṋu

4. 4. Ndi ngani Elisha o fhulufhela uri Yehova u ḓo hangwela Naemani naho a tshi kha ḓi ya u gwadama phanḓa ha mudzimu Rimoni? (2 Dzikh. 5:18, 19; w05 10/1 19 ¶3) B

   Phindulo yaṋu

 Nḓila Ine Na Nga Zwi Shumisa Ngayo Vhutshiloni Haṋu

• Naemani o vha e mulangammbi wa Vhasiria nahone o ṱhasela shango ḽa Vhaisiraele. Fhedzi Yehova o mu fhodza. Zwenezwi zwi ri gudisa mini nga ha nḓila ine Yehova a khathutshela ngayo na u sa ṱalula hawe? C

  Phindulo yaṋu

• Tsumbo ya musidzana muṱuku wa Muisiraele i ni ṱuṱuwedza hani uri ni huwelele naho no tshuwa?

  Phindulo yaṋu

• Ndi dzifhio dziṅwe nḓila dzine na nga sumbedza ngadzo tshivhindi tshi fanaho na tsha musidzana muṱuku wa Muisiraele?

  Phindulo yaṋu

Elekanyani Nga Ha Hezwi Zwithu Zwa Ndeme

• Ndi guda mini nga ha Yehova kha aya mafhungo?

  Phindulo yaṋu

• Aya mafhungo a tshimbidzana hani na tshipikwa tsha Yehova nga ha ḽifhasi na vhathu?

  Phindulo yaṋu

• Ndi nga takalela u vhudzisa mini musidzana muṱuku wa Muisiraele musi a tshi vuswa? a

  Phindulo yaṋu