Yesaya 49:1-26
49 Nthetsheleseni inwi zwiṱangadzime,Thetshelesani inwi tshaka dza kule.+
Yehova o mmbidza ndi sa athu u bebwa.+
O mmbidza nga dzina u bva tshifhingani tsha musi ndi mbumbeloni ya mme anga.
2 O ita uri mulomo wanga u nge banga ḽa vhuhali;O ndzumba murunzini wa tshanḓa tshawe.+
O nnyita musevhe wo ṱuṱulwaho;O ndzumba kha mukhwama wawe wa misevhe.
3 O amba na nṋe a ri: “Iwe Isiraele, u mushumeli wanga,+Ane nda ḓo sumbedza lunako lwanga ngae.”+
4 Fhedzi nda ri: “Ndo ḓinetisela ḽifhedzi.
Ndo shumisa nungo dzanga kha zwithu zwi si zwa vhukuma na zwa mahandana.
Fhedzi ndi haṱulwa nga Yehova,*Ane a nṋea malamba ndi Mudzimu wanga.”+
5 Yehova We a mmbumba u bva ndi tshee mbumbeloni uri ndi vhe mushumeli wawe,O mmbudza uri ndi vhuise Yakobo khae,Uri Isiraele a kuvhanganyelwe ene.+
Ndi ḓo huliswa phanḓa ha Yehova,Mudzimu wanga u ḓo vha e nungo dzanga.
6 O ri: “A zwo ngo eḓana uri u vhe mushumeli wangaWa u vusa tshaka dza YakoboNa u vhuisa vhe vha tsireledzwa vha ḽa Isiraele.
Ndo dovha nda u ita uri u vhe tshedza tsha dzitshaka,+Uri u tshidza hanga hu swike magumoni a ḽifhasi.”+
7 Zwe Yehova, Murengululi wa Isiraele, Mukhethwa wawe,+ a zwi vhudza ane a nyadziwa,+ ane a nengwa nga lushaka, ane a vha mushumeli wa vhavhusi, ndi hezwi:
“Mahosi a ḓo zwi vhona a takuwa,Vhakololo vha ḓo gwadamaNga nṱhani ha Yehova, ane a fhulufhedzea,+Mukhethwa wa Isiraele, we a u nanga.”+
8 Zwe Yehova a zwi amba, ndi hezwi:
“Nga tshifhinga tsho teaho* ndo u fhindula,+Nda u thusa nga ḓuvha ḽa u tshidzwa;+Ndo dzula ndi tshi u tsireledza uri ndi u ite u vhe mulanga kha vhathu,+Uri shango ḽi vhuyelele kha vhuimo haḽo,Uri vha dzule kha ifa ḽavho ḽo salaho ḽi shubi,+
9 U ambe na vhafariwa u ri, ‘Ibvani!’+
U ambe na vhane vha vha swiswini+ u ri, ‘Ḓidzumbululeni!’
Vha ḓo wana zwiḽiwa nḓilani,Mafulo avho a ḓo vha thungo ha nḓila dzoṱhe dzi sa tshimbilei.
10 A vha nga farwi nga nḓala kana nga ḓora,+A vha nga ḓo vhaiswa nga mufhiso kana u fhiswa nga ḓuvha.+
Ngauri vha ḓo rangwa phanḓa nga Ane a vha na khathutshelo,+U ḓo vha isa zwisimani.+
11 Ndi ḓo ita uri thavha dzanga dzoṱhe dzi vhe nḓila,Na nḓila dzanga khulwane dzi ḓo takuselwa nṱha.+
12 Vha bva ngei kule,+Vha bva ngei devhula na vhukovhela,Vha bva shangoni ḽa Sinimi.”+
13 Pembelani inwi ḽiṱaḓulu, takalani inwi ḽifhasi.+
Thavha nga dzi fhululedze.+
Ngauri Yehova o khuthadza vhathu vhawe,+U khathutshela vhathu vhawe vhane vha khou tambula.+
14 Fhedzi Tsioni o vha a tshi dzulela u ri:
“Yehova o nndaṱa,+ Yehova o nkhangwa.”+
15 Naa mufumakadzi a nga hangwa ṅwana wawe ane a kha ḓi mamaKana a sa pfele vhuṱungu ṅwana we a mu beba?
Naho vhenevho vhafumakadzi vha tshi nga hangwa, nṋe a thi nga vhuyi nda u hangwa.+
16 Ndo u ṅwala kha zwanḓa zwanga.
Mbondo dzau dzi dzula dzi phanḓa hanga.
17 Vhana vhau vho vhuya nga u ṱavhanya.
Vho u phusukanyaho na u u tshinyadza vha ḓo u ṱutshela.
18 Lavhelesa thungo dzoṱhe.
Vha khou kuvhangana vhoṱhe.+
Vha khou ḓela iwe.
“Ndi ana nga nṋe muṋe,” u ralo Yehova,“U ḓo vha ambara vhoṱhe vhunga u tshi ambara madzanga,U ḓo ḓiṱama ngavho u fana na muselwa a tshi ḓiṱama.
19 Naho fhethu hau ho vha ho tshinyadzwa ha sala hu si na tshithu, shango ḽau ḽa sala ḽi mashubi,+Zwino a ḽi tsha ḓo eḓana vha dzulaho henefho,+Vhe vha u fhelisa+ vha ḓo vha vhe kule.+
20 Vhana vhe vha bebwa musi wo felwa vha ḓo amba na iwe vha ri,‘Fhethu afha a hu ri eḓani.
Ri wanele fhethu hune ra nga dzula hone.’+
21 U ḓo amba mbiluni yau wa ri,‘Ndi nnyi khotsi a avha vhana vhe nda ṋewa vhone,Samusi ndi mufumakadzi o felwaho nga vhana na a sa bebi,Ndo thubiwa, ndi mufariwa?
Ndi nnyi we a vha alusa?+
Ndo vha ndo sala ndi ndoṱhe,+Zwino vhenevha vha bva ngafhi?’”+
22 Yehova Murena Muvhusahoṱhe u ri:
“Tshanḓa tshanga ndi ḓo tshi takusela dzitshaka,Nda imisela vhathu tshiga tshanga.+
Vha ḓo ḓisa vharwa vhau vho vha takulaNa vhananyana vhau vho vha hwala nga mahaḓa avho.+
23 Mahosi a ḓo vha vhaṱhogomeli vhau,+Vhafumakadzi vhao vha ḓo u ṱhogomela.
Vha ḓo u gwadamela vho sedza fhasi*+Vha ṋanzwa buse ḽi re kha milenzhe yau,+Ndi hone u tshi ḓo ḓivha zwa uri ndi nṋe Yehova;Vhane vha fhulufhela nṋe a vha nga ḓo shoniswa.”+
24 Naa vho no thubwaho vha nga dzhiiwa kha munna wa maanḓa,Kana mathubwa a nga tshidzwa kha wa tshiṱuhu?
25 Fhedzi Yehova u ri:
“Na vho thubwaho nga munna wa maanḓa vha ḓo dzhiiwa,+Vhe vha thubwa nga wa tshiṱuhu vha ḓo tshidzwa.+
Ndi ḓo lwa na vhane vha lwa na iwe,+Ndi ḓo tshidza vharwa vhau.
26 Ndi ḓo ita uri vhane vha u tambudza vha ḽe ṋama yavho,Vha ḓo kambiwa nga malofha avho vhunga vha tshi kambiwa nga waini i ḓifhaho.
Ndi hone vhathu vhoṱhe* vha tshi ḓo ḓivha zwa uri ndi nṋe Yehova,+Mutshidzi wau+ na Murengululi wau,+Wa Maanḓa wa Yakobo.”+
