Yesaya 42:1-25
42 Vhonani mushumeli wanga+ ane nda mu tikedza!
We nda mu nanga,+ ane nda mu takalela!+
Ndo vhea muya wanga khae;+U ḓo ḓisa khaṱhulo yo teaho kha dzitshaka.+
2 Ha nga zhambi kana u takusa ipfi,A hu na ane a ḓo pfa ipfi ḽawe nḓilani.+
3 Luṱanga lu re tsini na u vunḓea, ha nga lu vunḓi,Luvhone lu re tsini na u dzima, ha nga lu dzimi.+
U ḓo haṱula nga nḓila yo teaho.+
4 Ha nga neti kana u kundwa u vhuya u swika a tshi ḓisa khaṱhulo yo teaho kha ḽifhasi;+Zwiṱangadzime zwo lindela mulayo* wawe.
5 Hezwi ndi zwe Mudzimu wa ngoho Yehova a zwi amba,Musiki wa ḽiṱaḓulu, ene Muhulwane we a ḽi ṱharamudza,+We a adza ḽifhasi na zwibveledzwa zwaḽo,+Ane a ṋea vhathu vha re khaḽo mufemo+Na vha tshimbilaho khaḽo a vha ṋea muya:+
6 “Nṋe Yehova ndo u vhidza nga zwivhuya;Ndo u fara nga tshanḓa tshau.
Ndi ḓo u tsireledza nda vhofha nga iwe mulanga na vhathu+Sa tshedza tsha dzitshaka,+
7 Uri u bonyolose maṱo a sa vhoni,+U vhofholole o farwahoNa vho dzulaho dzhele u vha bvise swiswini.+
8 Ndi nṋe Yehova. Ndi ḽone dzina ḽanga;A thi ṋei muṅwe muthu vhugala hanga,*U rendwa hanga a thi hu ṋei zwifanyiso zwo vhaḓwaho.+
9 Vhonani zwithu zwa u thoma zwo itea;Zwino ndi khou ni vhudza zwithu zwiswa.
Ndi ḓo ni vhudza zwone zwi sa athu u itea.”+
10 Imbelani Yehova luimbo luswa,+Thendo dzawe kha dzi pfale dzi tshi bva magumoni a ḽifhasi,+Inwi vhane na tsela lwanzheni na zwoṱhe zwi re khalwo,Inwi zwiṱangadzime na vhadzulapo vhazwo.+
11 Soga na miḓi yaḽo kha zwi takuse ipfi,+Na miḓana ine Vhakedara+ vha dzula khayo.
Vha dzulaho matomboni mahulu kha vha fhululedze;Kha vha huwelele vhe kha ṱhodzi dza dzithavha.
12 Kha vha ṋee Yehova vhugalaVha ḓivhadze thendo dzawe kha zwiṱangadzime.+
13 Yehova u ḓo bva sa munna wa maanḓa.+
U ḓo fhisea sa muhali.+
A huwelela, a ṱavha mukosi wa nndwa;A sumbedza uri u na maanḓa u fhira maswina awe.+
14 “Ndi kale ndo fhumula.
Ndo fhumula, nda ḓifara.
U fana na mufumakadzi a tshi beba,Ndi ḓo gomela, nda femeleka na u fhihamelwa nga khathihi.
15 Ndi ḓo fhelisa dzithavha na zwikwaraNda omisa zwimela zwazwo zwoṱhe.
Ndi ḓo shandula milambo ya vha zwiṱangadzimeNda xisa mativha a maḓi a re na dziṱhanga.+
16 Ndi ḓo tshimbidza vha sa vhoni kha nḓila ine vha si i ḓivhe+Nda ita uri vha tshimbile kha nḓila dzi songo ḓoweleaho.+
Ndi ḓo ita uri swiswi ḽi re phanḓa havho ḽi vhe tshedza+Nda ita uri fhethu hu re magodi-godi hu vhe mudavhi.+
Ndi ḓo vha itela zwenezwi, a thi nga vha laṱi.”
17 Vhane vha fhulufhela zwifanyiso zwo vhaḓwaho,Vhane vha amba na zwifanyiso zwa tsimbi vha ri: “Ni midzimu yashu,”Vha ḓo huma vho shona.+
18 Thetshelesani inwi no dzingaho nḓevhe;Inwi ni sa vhoni, lavhelesani ni vhone.+
19 Ndi nnyi a sa vhoni nga nnḓa ha mushumeli wanga,O dzingaho nḓevhe u fana na muḓinḓa we nda mu ruma?
Ndi nnyi a sa vhoni u fana na we a lambedzwa,A sa vhoni u fana na mushumeli wa Yehova?+
20 U vhona zwithu zwinzhi, fhedzi a u dzuli wo fhaṱuwa.
U a pfa, fhedzi a u thetshelesi.+
21 Nga nṱhani ha u luga hawe,Yehova u takalela u hulisa mulayo* na u ita uri u vhe na vhugala.
22 Fhedzi avha ndi vhathu vho dzhielwaho thundu na u thubiwa;+Vhoṱhe vho valelwa madindini na u dzumbiwa dzhele.+
A ho ngo vha na we a vha lamulela musi vha tshi dzhielwa thundu,+Musi vha tshi thubiwa a ho ngo vha na we a ri: “Vha vhuiseni!”
23 Ndi nnyi kha inwi ane a ḓo pfa zwenezwi?
Ndi nnyi ane a ḓo zwi ṱhogomela na u zwi thetshelesa u itela tshifhinga tshi ḓaho?
24 Ndi nnyi o kumedzaho Yakobo uri a thubiweNa Isiraele uri a dzhielwe thundu?
Naa a si Yehova, We ra mu khakhela?
Vho hana u tshimbila nḓilani Dzawe,Vha si tevhedze mulayo* Wawe.+
25 O bvela phanḓa a tshi vha sinyutshela,Nga mbiti dzawe na nga u vhavha ha nndwa.+
Dzo fhisa zwoṱhe zwi re tsini navho, fhedzi a vho ngo zwi ṱhogomela.+
Mbiti dzawe dzo vha dugela, fhedzi vha si zwi londe.+
