Dziphisalema 95:1-11
95 Iḓani ri fhululedze Yehova!
Kha ri pembelele Tombo ḽashu ḽa u tshidzwa.+
2 Kha ri ye phanḓa hawe ri mu livhuwe;+Kha ri mu imbele na u mu pembelela.
3 Ngauri Yehova ndi Mudzimu muhulwane,Ndi Khosi khulu u fhira miṅwe midzimu yoṱhe.+
4 U vhusa ḽifhasi ḽoṱhe;Ṱhodzi dza thavha ndi dzawe.+
5 Lwanzhe ndi lwawe, ndi ene o lu itaho,+Zwanḓa zwawe ndi zwone zwo sikaho shango.+
6 Iḓani ri gwadame, ri rabele;Kha ri gwadame phanḓa ha Yehova Musiki washu.+
7 Ngauri ndi Mudzimu washu,Ri vhathu vha pfulo yawe,Ri nngu dzine a dzi ṱhogomela.+
Ṋamusi arali na pfa ipfi ḽawe,+
8 Ni songo rindidza mbilu dzaṋu sa zwe na zwi ita ngei Meriba,*+Misi iḽa ya ngei Masaha* sogani,+
9 Musi vhomakhulukuku waṋu vha tshi nndinga;+Vho lwa na nṋe, naho vho vhona mishumo yanga.+
10 Wonoyu murafho ndo u nengwa lwa miṅwaha ya 40, nda ri:
“Vha dzula vha tshi ntshandukela mbiluni dzavho;A vha ḓivhi nḓila dzanga.”
11 Nda ana ndo sinyuwa nda ri:
“A vha nga dzheni fhethu hanga ha vhuawelo.”+
