Dziphisalema 81:1-16
Kha mulangi; a shumise Githithe.* Phisalema ya Asafu.+
81 Huwelelani nga dakalo phanḓa ha Mudzimu ane a vha nungo dzashu.+
Pembelelani Mudzimu wa Yakobo.
2 Simani luimbo, ni dzhie murumba,Haripa i lilaho zwavhuḓi na tshilidzo tshi re na ṱhale.
3 Lidzani luṋanga nga ṅwedzi muswa,+Nga ḓuvha ḽa vhuṱambo hashu musi ṅwedzi wo tshena.+
4 Ngauri ndi mulayo wa Isiraele,Ndi ndaela ya Mudzimu wa Yakobo.+
5 O i ṋea Yosefa uri i vhe khumbudzo+Musi A tshi ya u lwa na shango ḽa Egipita.+
Ndo pfa ipfi* ḽe nda vha ndi sa ḽi ḓivhi:
6 “Ndo rula muhwalo kha shaḓa ḽawe;+Zwanḓa zwawe zwa si tsha fara manngi.
7 Musi no tsikeledzea no vhidzelela, nda ni tshidza;+Ndo ni fhindula musi ndi kha mubvumo wa gole.+
Ndo ni linga maḓini a Meriba.*+ (Selah)
8 Vhathu vhanga, thetshelesani ndi tshi ni eletshedza.
Iwe Isiraele, ngavhe wo nthetshelesa.+
9 Vhukati hau a hu nga vhi na muṅwe mudzimu,A u nga ḓo gwadamela mudzimu wa mazwifhi.+
10 Nṋe Yehova ndi Mudzimu wau,We a u bvisa shangoni ḽa Egipita.+
Aṱama mulomo wau, ndi u ḓadze nga zwiḽiwa.+
11 Fhedzi vhathu vhanga a vho ngo thetshelesa zwe nda amba;Isiraele ho ngo ḓiṱukufhadza kha nṋe.+
12 Ndo vha litsha vha tshi tevhela mbilu dzavho dzi re na swili;Vha ita zwe vha vha vha tshi humbula uri zwo luga.+
13 Ngavhe vhathu vhanga vho nthetshelesa,+Ngavhe Isiraele o tshimbila nḓilani dzanga!+
14 Ndo vha ndi tshi ḓo kunda maswina avho nga u ṱavhanya;Ndo vha ndi tshi ḓo lwa na maswina avho.+
15 Vhane vha vhenga Yehova vha ḓo tetemela phanḓa hawe,Vha ḓo pfiswa vhuṱungu lwa tshoṱhe.
16 Fhedzi inwi ndo vha ndi tshi ḓo ni ṋea goroi yavhuḓi vhukuma+Nda ni fusha nga mutoli u bvaho kha tombo.”+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Kana “luambo.”
^ Zwine zwa amba uri “U Lwa.”
