Dziphisalema 78:1-72
-
Mudzimu u ṱhogomela Vhaisiraele, Vhaisiraele a vha na lutendo
Masikili* ya Asafu.+
78 Inwi vhathu vhanga, thetshelesani mulayo* wanga;Sendedzani nḓevhe ni pfe zwine nda zwi amba.
2 Ndi ḓo amba nga mirero.
Ndi ḓo amba thai dza kale.+
3 Zwithu zwe ra zwi pfa ra zwi ḓivha,Zwe vhokhotsi ashu vha ri anetshela zwone,+
4 Ri nga si zwi dzumbele vhana vhavho;Ri ḓo zwi anetshela murafho u ḓaho+Mishumo i khoḓeaho ya Yehova na nungo dzawe,+Zwithu zwi mangadzaho zwe a zwi ita.+
5 O vhea tshihumbudzi kha YakoboO vhea mulayo kha ḽa Isiraele;O laya vhomakhulukuku washuUri vha vhudze vhana vhavho zwenezwi zwithu,+
6 Uri murafho u ḓaho,Wa vhana vhane vha ḓo bebiwa, u zwi ḓivhe.+
Uri na vhone vha kone u anetshela vhana vhavho.+
7 Ndi hone zwi tshi ḓo vha ita uri vha fhulufhele Mudzimu.
Vha si hangwe mishumo ya Mudzimu+Fhedzi vha tevhedza ndaela dzawe.+
8 Ndi hone vha sa ḓo fana na vhomakhulukuku wavho,Murafho u re na tshikhuna na wa mashandukwa,+Murafho we wa vha u na mbilu dzi timatimaho+We wa vha u sa fhulufhedzei kha Mudzimu.
9 Vhaefuraimi vho vha vho fara vhura,Fhedzi vha humela murahu nga ḓuvha ḽa nndwa.
10 A vho ngo tevhedza mulanga wa Mudzimu+Vho litsha u tevhedza milayo yawe.+
11 Vha dovha vha hangwa zwe a ita,+Mishumo yawe i mangadzaho ye a vha sumbedza yone.+
12 O ita zwithu zwi mangadzaho vhomakhulukuku wavho vha tshi zwi vhona,+Ngei shangoni ḽa Egipita, dzinguni ḽa Tsoani.+
13 O fhandekanya lwanzhe uri vha fhire,A ita uri maḓi a ime sa damu.*+
14 Nga masiari a vha ranga phanḓa nga goleVhusiku hoṱhe a vha ranga phanḓa nga tshedza tsha mulilo.+
15 O fhandula matombo sogani,A vha tendela vha tshi nwa maḓi u swika vha tshi pfeledza* zwa tou nga vha khou nwa maḓi a mativhani.+
16 O bveledza milambwana kha tombo ḽihuluA ita uri maḓi a elele sa mulambo.+
17 Fhedzi vho bvela phanḓa vha tshi mu khakhelaNga u shandukela Wa-Ṱaḓulu-ṱaḓulu vhe ngei sogani;+
18 Vha linga Mudzimu mbiluni dzavho+Nga u ṱoḓa zwiḽiwa zwe vha zwi tama.
19 Nga zwenezwo, vha amba Mudzimu luvhi,Vha ri: “Naa Mudzimu a nga kona u ri ṋea zwiḽiwa sogani?”+
20 O rwa tomboA phula maḓi na milambwana ya elela.+
“Naa a nga ri ṋea na vhurotho,Kana u ṋea vhathu vhawe ṋama?”+
21 Musi Yehova a tshi vha pfa, a sinyuwa;+Mulilo+ wa fhisa Yakobo,A sinyutshela Isiraele+
22 Ngauri a vho ngo vha na lutendo kha Mudzimu;+A vho ngo fhulufhela uri a nga kona u vha tshidza.
23 Nga zwenezwo, a laya makole a re ṱaḓulu,A vula mavothi a ṱaḓulu.
24 A vha nisela mana uri vha ḽe;A vha ṋea thoro dza ṱaḓulu.+
25 Vhathu vha ḽa vhurotho ha vhahali;*+A vha ṋea ho eḓanaho uri vha fushee.+
26 A vhudzula muya wa vhubvaḓuvha e ṱaḓuluA ita uri muya wa tshipembe u vhudzule nga maanḓa awe.+
27 A vha nisela ṋama vhunga buse,Zwiṋoni zwa nga muṱavha wa khunzi-khunzini ya lwanzhe.
28 A zwi wisela vhukati ha gammba yawe,U mona na madennde awe.
29 Vha ḽa vha pfa vha si tsha funa;A vha ṋea zwine vha zwi tama.+
30 Musi vha sa athu u fusha lutamo lwavho,Musi zwiḽiwa zwi tshee milomoni yavho,
31 Mudzimu a vha sinyutshela.+
A vhulaya vhanna vha maanḓa vhukati havho;+A wisa vhaṱhannga vha Isiraele.
32 Naho zwo ralo, vha tou ṋaṋa u ita zwivhi+Vha si vhe na lutendo kha mishumo yawe i mangadzaho.+
33 A fhelisa maḓuvha avho vhunga mufemo zwawo,+Miṅwaha yavho ya fhela nga zwi ofhisaho vha songo zwi lavhelela.
34 Musi a tshi thoma u vha vhulaya, vho vha vha tshi mu ṱoḓa;+Vho vha vha tshi humela kha Mudzimu, vha mu ṱoḓa,
35 Vha tshi humbula uri Mudzimu ndi Tombo ḽavho+Na uri Mudzimu Wa-Ṱaḓulu-ṱaḓulu ndi Murengululi* wavho.+
36 Fhedzi vha lingedza u mu fhura nga milomo yavhoVha mu zwifhela nga ndimi dzavho.
37 Vho vha vha sa mu fhulufheli mbiluni dzavho;+Vha sa fhulufhedzei kha mulanga wawe.+
38 Fhedzi a vha khathutshela;+A vha hangwela vhukhakhi havho a si vha fhelise.+
A dzulela u humisa mbiti dzawe+Nṱhani ha u vusa mbiti dzawe dzoṱhe.
39 Nge a humbula zwa uri vho vha vhe vhathu,+Na uri ndi muya une wa vhudzula wa fhira.
40 Ndi lunzhi vha tshi mu shandukela ngei sogani+Vho mu pfisa vhuṱungu ngei sogani!+
41 Vho linga Mudzimu lunzhi-lunzhi,+Vha ṱungufhadza* Mukhethwa wa Isiraele.
42 A vho ngo humbula maanḓa awe,*Ḓuvha ḽe a vha tshidza* kha swina,+
43 Nḓila ye a sumbedza ngayo zwiga zwawe ngei Egipita+Na vhuṱolo hawe ngei dzinguni ḽa Tsoani,
44 Na nḓila ye a shandula ngayo migero ya Nili ya vha malofha+Uri vha si tsha kona u nwa milambwanani yavho.
45 O rumela guma ḽa mmbo uri ḽi vha lume+Na zwiḓula uri zwi vha tshinyadze.+
46 O ita uri zwiliṅwa zwavho zwi fhedzwe nga nzie,Zwe vha lima nga u ḓinetisa zwa fhedzwa nga guma* ḽa nzie.+
47 O tshinyadza minḓirivhe yavho nga tshifhango+O tshinyadza mihuyu yavho nga tshifhango.
48 O vhulaya donngi dzavho nga tshifhango+Na zwifuwo zwavho nga dziphenyo.
49 O vha sinyutshela vhukuma,Vha sedzana na mbiti na vhuhali na mutsiko,Zwigwada zwa vharuṅwa zwa vha ḓisela khombo.
50 O vulela mbiti dzawe nḓilaA si litshe u vha vhulaya;A vha ḓisela malwadze.
51 Mafheleloni a vhulaya matanzhe oṱhe a Egipita,+Mbebo yavho ya u thoma madenndeni a Hamu.
52 O bvisa vhathu vhawe u fana na sambi+A vha khada sa sambi sogani.
53 O vha ranga phanḓa vho tsireledzea,Vha sa ofhi;+Lwanzhe lwa kumba maswina avho.+
54 O vha ḓisa fhethu hawe hukhethwa,+Henefha dzinguni ḽa dzithavhani ḽe a ḽi dzhia nga tshanḓa tshawe tsha u ḽa.+
55 O pandela dzitshaka phanḓa havho;+A vha kovhela ifa u ya nga mielo;+A dzudza tshaka dza Isiraele mahayani adzo.+
56 Fhedzi vha ḓi dzula vha tshi linga Mudzimu Wa-Ṱaḓulu-ṱaḓulu, na u mu shandukela;+A vho ngo thetshelesa khumbudzo dzawe.+
57 Vha dovha vha pambuwa, vha mu itela tshimbevha u fana na vhomakhulukuku wavho.+
Vho vha vha sa fhulufhedzei u fana na vhura ho rembeḓaho.+
58 Vha ḓi dzulela u mu khakhela nga fhethu havho ha vhurabeli,+Vha mu sinyusa nga zwifanyiso zwavho zwo vhaḓiwaho.+
59 Mudzimu a zwi pfa a sinyuwa,+A laṱa Isiraele tshoṱhe.
60 Mafheleloni a ṱutshela dennde ḽikhethwa ḽa ngei Shiḽo,+Dennde ḽe a vha a tshi dzula khaḽo, ḽi vhukati ha vhathu.+
61 O tendela tshiga tsha nungo dzawe tshi tshi thubiwa;Lunako lwawe lu tshi dzhiiwa nga swina.+
62 O kumedzela vhathu vhawe kha banga+A sinyutshela vhathu vhawe.
63 Mulilo wa fhisa vhaṱhannga vhawe,Vhasidzana* vhawe a vho ngo imbelwa nyimbo dza munyanya.*
64 Vhotshifhe vhawe vho vhulawa nga banga,+Tshilikadzi dzavho a dzo ngo lila.+
65 Ndi hone Yehova a tshi vuwa zwa tou nga o vha o eḓela,+Vhunga munna wa maanḓa+ a tshi vuwa nga murahu ha u nwa waini nnzhi.
66 O humisela murahu maswina awe;+A a shonisa tshoṱhe.
67 O landula dennde ḽa Yosefa;A si nange lushaka lwa Efuraimi.
68 Fhedzi a nanga lushaka lwa Yuda,+Thavha ya Tsioni, ine a i funa.+
69 O ita uri nnḓu yawe khethwa i dzule i hone sa ḽiṱaḓulu,+Vhunga ḽifhasi ḽe a ḽi ita ḽi tshi dzula ḽi hone.+
70 O nanga Davida+ mushumeli waweA mu dzhia a tshi bva zwitumbani zwa nngu,+
71 Musi a tshi khou lisa nngu;A mu ita uri a vhe mulisa wa Yakobo, vhathu vhawe,+Na kha Isiraele, ifa ḽawe.+
72 O vha lisa nga mbilu i fhulufhedzeaho,+A vha ranga phanḓa nga zwanḓa zwi re na vhutsila.+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Kana “ndayo.”
^ Kana “luvhondo.”
^ Kana “kholwa.”
^ Kana “vharuṅwa.”
^ Kana “Mulifhedzi.”
^ Kana “vhaisa.”
^ Thevhedz., “tshanḓa tshawe.”
^ Thevhedz., “rengulula.”
^ Kana “murivha.”
^ Thevhedz., “Vhasidzana vhawe a vho ngo khoḓiwa.”
