Vhurifhi Ha U Thoma Ha Yohane 1:1-10
1 Ri ni ṅwalela nga ha we a vha e hone u bva mathomoni, we ra mu pfa, ra mu vhona nga maṱo, ra mu lavhelesa na u mu fara, ene ane a vha ipfi ḽa vhutshilo,+
2 (ro dzumbululelwa vhutshilo vhu sa fheli, ra vhu vhona.+ Ri khou huwelela na u ḓivhadza nga ha honoho vhutshilo vhu sa fheli.+ Vhu bva kha Khotsi, ho dzumbululelwa riṋe),
3 ri ni vhudza zwe ra zwi vhona na u zwi pfa,+ uri ni vhe na vhuthihi na riṋe, samusi ri na vhuthihi na Khotsi na Murwa wawe Yesu Kristo.+
4 Ri ni ṅwalela zwenezwi uri roṱhe ri takale vhukuma.
5 Hoyu ndi mulaedza we ra u pfa khae une ra ni ḓivhadza wone, uri Mudzimu ndi tshedza+ na uri a hu na swiswi khae.
6 Ri vha ri sa khou tshila u tendelana na ngoho, ri khou zwifha, arali ra ri, “Ri na vhuthihi nae,” ngeno ri tshi khou tshimbila swiswini.+
7 Ri vha na vhuthihi arali ra tshimbila tshedzani samusi na ene e tshedzani. Malofha a Yesu Murwa wawe a ri ṱanzwa kha zwivhi zwoṱhe.+
8 Arali ra ri, “A ri na tshivhi,” ri khou ḓifhura,+ a ri khou amba ngoho.
9 Arali ra bula zwivhi zwashu, u ḓo ri hangwela zwivhi, a ri ṱanzwa kha vhuvhi hoṱhe ngauri u a fhulufhedzea, o luga.+
10 Ri vha ri tshi khou amba uri Mudzimu u a zwifha, a ri tendi zwine a zwi amba, arali ra ri, “A ri athu u ita tshivhi.”
