Pfukelani kha mafhungo

Pfukelani kha zwi re ngomu

 U TSHILA SA VHAKRISTE

Ni Na Lutendo Lungafhani Kha Mafulufhedziso A Yehova?

Ni Na Lutendo Lungafhani Kha Mafulufhedziso A Yehova?

Yoshua na Salomo vho khwaṱhisedza uri a hu na na tshithu na tshithihi tshe Yehova a tshi fulufhedzisa tshe tsha si ḓadzee. (Yos 23:14; 1Dz 8:56) Mafhungo o ambiwaho nga dzenedzi ṱhanzi mbili dzi fulufhedzeaho a ḓadzisa kha mutheo wo khwaṱhaho une ra nga fhaṱa lutendo lwashu khawo.—2Ko 13:1; Tit 1:2.

Yehova o ḓadzisa hani mafulufhedziso awe tshifhingani tsha Yoshua? Ṱalelani na muṱa waṋu vidio A Huna Ḽe Ḽa Ṱahela.” Nga murahu ni haseledze mbudziso dzi tevhelaho: (1) Ni nga edzisa hani tsumbo ya Rahaba ya u sumbedza lutendo? (Heb 11:31; Yak 2:24-26) (2) Tsumbo ya Akani i sumbedza hani uri u sa thetshelesa nga khole zwi na khombo? (3) Naho Vhagibeoni vho vha vhe vhahali, ndi ngani vho fhura Yoshua nahone vha ita mulalo na Vhaisiraele? (4) Zwe Yehova a zwi amba zwo ḓadzea hani musi khosi ṱhanu dza Vhaamori dzi tshi shushedza Vhaisiraele? (Yos 10:5-14) (5) Yehova Mudzimu o ni thusa hani musi ni tshi rangisa phanḓa Muvhuso wawe na u luga hawe?—Mat 6:33.

Musi ri tshi humbula nga ha zwe Yehova a zwi ita, zwine a khou zwi ita na zwine a ḓo zwi ita, zwi khwaṱhisa lutendo lwashu kha mafulufhedziso awe.—Rom 8:31, 32.

Naa ni na lutendo lu fanaho na lwa Yoshua?