Pfukelani kha mafhungo

Pfukelani kha zwi re ngomu

 U TSHILA SA VHAKRISTE

Ni Songo Hangwa U Rabelela Vhakriste Vhane Vha Khou Tovholwa

Ni Songo Hangwa U Rabelela Vhakriste Vhane Vha Khou Tovholwa

Bivhili yo porofita uri Sathane u ḓo ri tovhola a tshi khou lingedza u thivhela vhuḓinḓa hashu. (Yoh 15:20; Nzu 12:17) Ri nga thusa hani Vhakriste nga riṋe vhane vha khou tovholwa kha maṅwe mashango? Ri nga vha rabelela. “Thabelo ya o lugaho ya u humbela i na maanḓa nahone i a shuma.”—Yak 5:16.

Ri nga rabelela mini? Ri nga humbela Yehova uri a ṋee vhahashu vha tshinnani na vha tshisadzini tshivhindi na u vha thusa uri vha si dzhenwe nga nyofho. (Yes 41:10-13) Ri nga dovha ra rabelela na vhavhusi uri vha si vhenge mushumo washu wa u huwelela, u itela “uri ri tshile ho dzika hu na mulalo.”—1Ti 2:1, 2.

Musi Paulo na Petro vha tshi tovholwa, Vhakriste vha ḓanani ḽa u thoma ḽa miṅwaha vho vha bula nga madzina musi vha tshi vha rabelela. (Mis 12:5; Rom 15:30, 31) Naho ri sa ḓivhi madzina a vhoṱhe vhane vha khou tovholwa ṋamusi, naa ri nga bula tshivhidzo tshine vha ṱanganela khatsho, shango kana dzingu ḽine vha dzula khaḽo?

Ṅwalani mashango ane ha vha na Vhakriste vhane vha khou tovholwa, vhane na ṱoḓa u vha rabelela.