Pfukelani kha mafhungo

Pfukelani kha zwi re ngomu

 U TSHILA SA VHAKRISTE

U Khwinisa Vhutsila Hashu Vhuḓinḓani—U Adza Mutheo Wa U Ita Lwendo Lwa U Vhuyelela

U Khwinisa Vhutsila Hashu Vhuḓinḓani—U Adza Mutheo Wa U Ita Lwendo Lwa U Vhuyelela

ZWINE ZWA ITA URI ZWI VHE ZWA NDEME:

Ri fanela u sheledza mbeu dza ngoho dze ra dzi ṱavha. (1Ko 3:6) Musi ri tshi wana muthu ane a vha na dzangalelo, zwi nga vha zwavhuḓi u vhudzisa mbudziso ine ra ḓo i haseledza musi ri tshi vhuya. U ita nga u ralo zwi ḓo vusa dzangalelo na u ri leludzela mushumo wa u lugiselela lwendo lwashu lwa u vhuyelela. Musi ri tshi vhuyelela, ri nga mu vhudza uri ro ḓa u fhindula mbudziso ye ra i takusa tshifhingani tsho fhiraho.

NḒILA INE NA NGA ZWI ITA NGAYO:

  • Musi ni tshi khou lugiselela maambele ane na ḓo a shumisa nnḓu nga nnḓu, katelani na mbudziso ine ya ḓo fhindulwa musi ni tshi vhuya. I nga kha ḓi vha i tshi fhindulwa khandisoni ine na khou i tshimbidza. Kana ni nga vhudzisa mbudziso i re kha iṅwe ya khandiso dzashu dzi gudwaho ine na khou dzudzanya u mu ṋea yone musi ni tshi vhuya.

  • Musi ni tshi khou ṱhaphudza nyambedzano yaṋu na muthu we a sumbedza dzangalelo, mu vhudzeni uri ni nga dovha na takalela u amba nae nahone ni mu vhudzise mbudziso ye na i lugiselela, ine ya ḓo ita uri ni vhuyelele khae. Humbelani zwidodombedzwa zwa vhukwamani arali zwi tshi konadzea.

  • Arali na mu vhudza tshifhinga tshine na ḓo mu dalela ngatsho, ni songo mu tikisa luwa.—Mat 5:37.