Pfukelani kha mafhungo

Pfukelani kha zwi re ngomu

 U TSHILA SA VHAKRISTE

Shumisani Khandiso Dza Bivhili Nga Vhuṱali

Shumisani Khandiso Dza Bivhili Nga Vhuṱali

Yesu o funza uri: “No ṋewa nga mahala, ṋeani nga mahala.” (Mat 10:8) Ri sumbedza u thetshelesa honoho vhulivhisi nga u sa badelisa vhathu musi ri tshi vha tshimbidzela Bivhili kana khandiso dza Bivhili. (2Ko 2:17) Naho zwo ralo, dzenedzi khandiso dzi na mafhungo a ndeme a ngoho i wanalaho Ipfini ḽa Mudzimu. Hu ṱoḓea vhuḓidini na tshelede u itela u gandisa khandiso na u dzi isa zwivhidzoni shangoni ḽoṱhe. Nga zwenezwo, ndi zwa ndeme uri ri dzhie fhedzi dzine ra ḓo dzi shumisa.

Shumisani vhuṱali musi ni tshi tshimbidza khandiso, naho ni tshi khou huwelela fhethu ha vhomuthumunzhi. (Mat 7:6) Nṱhani ha u sokou ṋea muthu muṅwe na muṅwe khandiso, itani vhuḓidini ha u ambedzana nae u itela u vhona arali e na dzangalelo. Ni nga kona u fhindula nga “ee” mbudziso nthihi zwayo ya mbudziso dzi re afho bogisini? Arali ni si ni vhuṱanzi ha uri onoyo muthu u na dzangalelo, ndi khwine u mu ṋea tshibammbiri. Ngoho ndi ya uri ri ḓo mu ṋea khandiso arali o tou i humbela.—Mir 3:27, 28.