Pfukelani kha mafhungo

Pfukelani kha zwi re ngomu

 VHUTSHILO HA MUKRISTE

Fhedzani Tshifhinga Na Vhane Vha Funa Yehova

Fhedzani Tshifhinga Na Vhane Vha Funa Yehova

Ndi ngani ri tshi fanela u fhedza tshifhinga na vhane vha funa Yehova? Ndi nga uri vhane ra fhedza tshifhinga navho vha nga ri ṱuṱuwedza u ita zwithu zwavhuḓi kana zwi si zwavhuḓi. (Mir 13:20) Sa tsumbo, musi Khosi Yoasi a tshi fhedza tshifhinga na Tshifhe Muhulu Yoyada “o ita zwe zwa takadza Yehova misi yoṱhe.” (2Kr 24:2) Musi Yoyada o no fa, Yoasi o laṱa Yehova nga nṱhani ha u fhedza tshifhinga na vhavhi.—2Kr 24:17-19.

Ḓanani ḽa u thoma C.E., muapostola Paulo o fanyisa tshivhidzo tsha Vhukriste na ‘nnḓu khulwane’ nahone miraḓo ya tshivhidzo a i fanyisa na “midzio” kana zwishumiswa zwa nḓuni. Ri ḓo dzula ri “mudzio wa ndivho i ṱhonifheaho” arali ra iledza u konana na muṅwe na muṅwe ane a ita zwine Yehova a sa zwi fune, naho arali e muraḓo wa muṱa kana wa tshivhidzo. (2Ti 2:20, 21) Nga zwenezwo, kha ri bvele phanḓa ri tshi ita vhukonani na vhane vha funa Yehova na u ri ṱuṱuwedza u mu shumela.

ṰALELANI VIDIO INE YA RI: GUDANI U ILEDZA VHUKONANI VHU SI HAVHUḒI, NGA MURAHU NI FHINDULE MBUDZISO DZI TEVHELAHO:

  • Ri nga fhedza hani tshifhinga na khonani mmbi ri sa zwi ṱhogomeli?

  • Samusi zwo sumbedzwa kha vidio, ndi mini zwo thusaho Vhakriste vhararu u litsha u ḓikonanya na khonani mmbi?

  • Ndi mini zwine Bivhili ya amba zwine zwa nga ni thusa u khetha khonani nga vhuṱali?

Naa ndi “mudzio wa ndivho i ṱhonifheaho”? —2Ti 2:21