Pfukelani kha mafhungo

Pfukelani kha zwi re ngomu

 U TSHILA SA VHAKRISTE

Funzani Ngoho

Funzani Ngoho

U thoma nga September, Tshibugwana Tsha Muṱangano Wa Vhutshilo Na Vhuḓinḓa tshi ḓo vha na maambele a tsumbo maswa a re na tshiṱoho “Funzani Ngoho.” Tshipikwa tshashu tshi ḓo vha tsha u haseledza ngoho i re Bivhilini, nga u vhudzisa mbudziso na u i fhindula ri tshi shumisa luṅwalo.

Arali ra wana vha re na dzangalelo, ri nga kona u vusa dzangalelo ḽa lwendo lwa u vhuyelela nga u sia khandiso kana nga u tamba vidio i re kha jw.org. Ri fanela u vhuyelela nga u ṱavhanya u itela u bvela phanḓa na nyambedzano. Enea maambele maswa na nyambo zwi ḓo vha zwo thewa kha manweledzo a ndima dzi re kha bugu What Can the Bible Teach Us? (i sa wanali nga Luvenḓa), ine ya vha bugu Bivhili I Funza Mini yo leludzwaho. Kha bugu Bivhili I Funza Mini ri nga wana mafhungo na maṅwalo o engedzeaho ane a nga ri thusa u ita nyendo dza u vhuyelela kana u fara pfunzo ya Bivhili ri tshi khou shumisa Bivhili fhedzi.

Hu na nḓila nthihi fhedzi i livhisaho vhutshiloni vhu sa fheli. (Mat 7:13, 14) Samusi ri tshi ambedzana na vhathu vha vhurereli na vhubvo ho fhamba-fhambanaho, ri fanela u haseledza navho ngoho ya Bivhili nga nḓila i kungaho. (1Ti 2:4) Musi ro no ḓowela zwiṱoho zwo fhamba-fhambanaho zwa Bivhili na u khwinisa vhutsila hashu ha u fara “ipfi ḽa ngoho nga nḓila yo teaho,” dakalo ḽashu ḽi ḓo engedzea nahone ri ḓo gudisa vhaṅwe ngoho nga hu bvelelaho.—2Ti 2:15.