Pfukelani kha mafhungo

Pfukelani kha zwi re ngomu

 U TSHILA SA VHAKRISTE

U Khwinisa Vhutsila Hashu Vhuḓinḓani—U Thusa Vhagudiswa Vha Bivhili U Ita Mvelaphanḓa Ya U Ḓiṋekedzela Na U Lovhedzwa

U Khwinisa Vhutsila Hashu Vhuḓinḓani—U Thusa Vhagudiswa Vha Bivhili U Ita Mvelaphanḓa Ya U Ḓiṋekedzela Na U Lovhedzwa

ZWINE ZWA ITA URI ZWI VHE ZWA NDEME: U itela uri vhagudiswa vha takalelwe nga Yehova, vha fanela u ḓiṋekedzela khae nahone vha lovhedzwe. (1Pe 3:21) Vhane vha tshila u tendelana na u ḓiṋekedzela havho vha tsireledza vhushaka havho na Yehova. (Ps 91:1, 2) Mukriste u ḓiṋekedzela kha Yehova, hu si kha muthu, mushumo kana ndangulo. Nga zwenezwo, vhagudiswa vha fanela u funa Mudzimu nga mbilu yoṱhe.—Rom 14:7, 8.

NḒILA INE NA NGA ZWI ITA NGAYO:

  • Musi ni tshi khou guda nae, haseledzani nae zwine ra zwi guda nga ha Yehova. Ombedzelani uri a vhale Bivhili ḓuvha ḽiṅwe na ḽiṅwe nahone a “dzule”a tshi rabela Yehova.—1Th 5:17; Yak 4:8

  • Ṱuṱuwedzani mugudiswa waṋu uri a ḓivhetshele tshipikwa tsha u ḓiṋekedzela na u lovhedzwa. Zwiṅwe hafhu, mu thuseni u swikelela zwipikwa zwi ngaho u fhindula miṱanganoni kana u huwelela kha vhahura na vhane a shuma navho. Elelwani uri Yehova ha kombetshedzi muthu uri a mu shumele. U ḓiṋekedzela ndi phetho ya muthu nga eṱhe.—Doi 30:19, 20

  • Ṱuṱuwedzani mugudiswa waṋu uri a ite tshanduko hune zwa ṱoḓea u itela uri a kone u takadza Yehova na u fanelea uri a lovhedzwe. (Mir 27:11) Zwi nga ṱoḓea uri ni bvele phanḓa ni tshi thusa mugudiswa uri a laṱe vhumuthu ha kale, a ambare vhuswa nga nṱhani ha uri miṅwe mikhuvha i nga vha yo nwelela khae. (Ef 4:22-24) Haseledzani nae thero dzi re kha Tshiingamo dza “Bivhili I Shandula Vhutshilo”

  • Mu vhudzeni nga ha phaṱhutshedzo dzine na khou dzi takalela nga u shumela Yehova.—Yes 48:17, 18