Pfukelani kha mafhungo

Pfukelani kha zwi re ngomu

 U TSHILA SA VHAKRISTE

Ni Nga Ṱuṱuwedza Mukriste O Fholaho

Ni Nga Ṱuṱuwedza Mukriste O Fholaho

Nga Ḽavhuvhili ḽa 11 April, vhunzhi ha Vhakriste vho fholaho vha ḓo vha vhe hone Tshihumbudzoni. Vho thoma vha tshi khou gidima kha mbambe ya vhutshilo, fhedzi vha fhola nga nṱhani ha zwiitisi zwo fhamba-fhambanaho, zwiṅwe zwazwo zwo ṱaluswa kha bugwana Vhuyelelani Kha Yehova. (Heb 12:1) Naho zwo ralo, vhathu vho fholaho vha dzula vhe vha ndeme kha Yehova, we a vha renga nga malofha a Murwa wawe. (Mis 20:28; 1Pe 1:18, 19) Ri nga vha thusa hani uri vha vhuyelele tshivhidzoni?

U fana na mulisa ane a ṱoḓa nga vhuronwane nngu yawe yo xelanaho na sambi, vhahulwane vha tshivhidzo vha ṱoḓa na u thusa Vhakriste vho fholaho. (Luk 15:4-7) Zwenezwi zwi sumbedza ṱhogomelo ya Yehova ya lufuno. (Yer 23:3, 4) Roṱhe ri nga ṱuṱuwedza vho fholaho, hu si vhahulwane fhedzi. Vhuḓidini hashu ha u sumbedza vhuthu na u pfela vhuṱungu zwi takadza Yehova nahone zwi nga ri vhuyedza vhukuma. (Mir 19:17; Mis 20:35) Nga zwenezwo, humbulani nga ha ane na nga mu ṱuṱuwedza nahone ni zwi ite nga u ṱavhanya!

ṰALELANI VIDIO ENCOURAGE THE INACTIVE ONES, NGA MURAHU NI HASELEDZE MBUDZISO DZI TEVHELAHO:

  • Ndi vhufhio vhukando he Abbey a vhu dzhia musi a tshi ṱangana na Ṱhanzi ine a si i ḓivhe?

  • Ndi ngani ri tshi fanela u thoma ra amba na vhahulwane arali ri tshi khou ṱoḓa u thusa muthu o fholaho?

  • Abbey o lugiselela hani u dalela Laura lwa vhuvhili?

  • Musi Abbey a tshi khou thusa Laura, o sumbedza hani lufuno, muya wa u konḓelela na u sa fhela mbilu?

  • Ri nga guda mini kha tshifanyiso tsha Yesu tshi re kha Luka 15:8-10?

  • Vhuḓidini hoṱhe ha u thusa Laura ho vha na phaṱhutshedzo dzifhio?