Pfukelani kha mafhungo

Pfukelani kha zwi re ngomu

 NGUDO 8

Ndi Ngani Ri Tshi Ambara Nga Nḓila I Ṱhonifheaho Musi Ri Tshi Ya Miṱanganoni Yashu?

Ndi Ngani Ri Tshi Ambara Nga Nḓila I Ṱhonifheaho Musi Ri Tshi Ya Miṱanganoni Yashu?

Iceland

Mexico

Guinea-Bissau

Philippines

Naa no no zwi ṱhogomela kha zwifanyiso zwa yeneyi bugwana uri Ṱhanzi dza Yehova vha vha vho ambara nga nḓila i ṱhonifheaho lungafhani musi vha tshi ya miṱanganoni yavho ya tshivhidzo? Ndi ngani ri tshi livhisa ṱhogomelo khulwane nga u rali kha nḓila ine ra ambara na u ḓilugisa ngayo?

U sumbedza uri ri ṱhonifha Mudzimu washu. Ndi ngoho uri Mudzimu ha livhisi ṱhogomelo kha mbonalo yashu ya nga nnḓa. (1 Samuele 16:7) Naho zwo ralo, musi ri tshi kuvhangana u itela u mu gwadamela, ri tama nga mbilu yoṱhe u mu ṱhonifha na u ṱhonifha vhagwadameli nga riṋe. Arali zwa ṱoḓea uri ri ye kha muhaṱuli khothe, ri ḓo ita vhungoho ha uri ri ṱuwa ro ambara nga nḓila ine ya sumbedza uri ri ṱhonifha vhuimo hawe. Nga hu fanaho, nḓila ine ra ambara ngayo miṱanganoni i sumbedza uri ri ṱhonifha Yehova Mudzimu “Muhaṱuli wa mashango oṱhe,” na fhethu hune ra mu gwadamela ri hone.—Genesi 18:25.

U sumbedza milayo yavhuḓi ine ra tshila ngayo. Bivhili i ṱuṱuwedza Vhakriste uri vha ambare nga “nḓila yo dzudzanyeaho na nga tshirunzi” samusi vhe vhathu vhane vha “ofha Mudzimu.” (1 Timotheo 2:9, 10, NW) U ambara nga “tshirunzi” zwi amba u iledza zwiambaro zwine zwa ri dzhenisela maṱo, zwine zwa karusa dzangalelo ḽa zwa vhudzekani kana zwine zwa vhonadza. Zwiṅwe hafhu, u ‘dzudzanyea’ zwi ri thusa uri ri khethe zwiambaro zwavhuḓi, hu si zwine zwa sumbedza u sa londa kana u kaludza zwithu. Enea maitele a dovha a ri tendela uri ri ḓikhethele. U ambara hashu nga nḓila yavhuḓi na i ṱhonifheaho zwi nga ‘ṱongisa pfunzo ya Mutshidzi washu’ na u ‘renda Mudzimu.’ (Tito 2:10; 1 Petro 2:12) Arali ra ambara nga nḓila i ṱhonifheaho musi ri tshi ya miṱanganoni, ri ṱuṱuwedza nḓila ine vhaṅwe vha dzhia ngayo vhurabeli ha Yehova.

Ni songo litsha u ya miṱanganoni Holoni ya Muvhuso nga ṅwambo wa uri a ni na zwiambaro zwa vhuimo ha nṱha. Ri nga ambara nga nḓila yo teaho, i faneleaho na i sedzeaho, naho zwiambaro zwashu zwi si zwa vhuimo ha nṱha.

  • Nḓila ine ra ambara ngayo ndi ya ndeme lungafhani musi ri tshi gwadamela Mudzimu?

  • Ndi maitele afhio ane a livhisa zwine ra zwi khetha musi ri tshi ambara na u ḓilugisa?