Pfukelani kha mafhungo

Pfukelani kha zwi re ngomu

 NGUDO 26

Ri Nga Thusa Hani U Ṱhogomela Holo Dzashu Dza Muvhuso?

Ri Nga Thusa Hani U Ṱhogomela Holo Dzashu Dza Muvhuso?

Estonia

Zimbabwe

Mongolia

Puerto Rico

Holo ya Muvhuso iṅwe na iṅwe ya Ṱhanzi dza Yehova i na dzina ḽikhethwa ḽa Mudzimu. Nga zwenezwo, ri zwi dzhia zwi ndugelo u ita uri i dzule yo kuna, i tshi sedzea, i kha vhuimo havhuḓi nahone zwenezwo ndi tshipiḓa tsha ndeme tsha vhurabeli hashu vhukhethwa. Roṱhe ri nga shela mulenzhe kha zwenezwo.

Ṱanganelani kha u kunakisa nga murahu ha muṱangano. Nga murahu ha muṱangano muṅwe na muṅwe, vhahashu vha ṱanganela nga dakalo kha u kunakisa Holo ya Muvhuso. Luthihi nga vhege, holo yoṱhe i kunakiswa nga vhuronwane. Wonoyo mushumo u rangwa phanḓa nga muhulwane kana mushumeli, kanzhi a tshi khou tevhelela mutevhe wa zwithu zwine zwa tea u itwa. Zwi tshi ḓisendeka nga zwine zwa tea u itwa, vhaṅwe vha nga swiela, u koropa kana u kunakisa khaphethe, u phumula buse, u dzudzanya zwidulo, u kunakisa mabunga, u ṱanzwa mafasiṱere na zwivhoni, u laṱa mathukhwi kana u kunakisa nga nnḓa na dzharaṱa yoṱhe. Luthihi nga ṅwaha, hu vhewa ḓuvha ḽa u kunakisa nga vhuronwane holo yoṱhe nga ngomu na nga nnḓa. Musi ri tshi ita miṅwe ya yeneyi mishumo na vhana vhashu, ri vha ri tshi khou vha gudisa u ṱhonifha fhethu hashu ha vhurabeli.—Muhuweleli 5:1.

Ṱanganelani kha u lugisa. Ṅwaha muṅwe na muṅwe, Holo ya Muvhuso i a ṱolwa nga vhuronwane, nga ngomu na nga nnḓa. Musi holo yo no ṱoliwa, i a lugiswa tshifhinga tshoṱhe u itela uri i dzule i kha vhuimo havhuḓi, hezwi zwi thusa uri hu sa vhe na tshinyalelo dzi sa ṱoḓei. (2 Koronika 24:13; 34:10) Holo ya Muvhuso yo kunaho na i ṱhogomelwaho zwavhuḓi ndi fhethu ho teaho ha u gwadamela Mudzimu washu. Musi ri tshi shela mulenzhe kha wonoyu mushumo, ri sumbedza uri ri funa Yehova nahone ri dzhiela nṱha fhethu hashu ha vhurabeli. (Psalme ya 122:1) Hezwi zwi ita uri vhathu vha i takalele.—2 Vha-Korinta 6:3.

  • Ndi ngani ri songo fanela u litshelela fhethu hashu ha vhurabeli?

  • Ndi dzifhio ndugiselelo dzine dza itwa u itela uri Holo ya Muvhuso i dzule yo kuna?