Pfukelani kha mafhungo

Pfukelani kha zwi re ngomu

 NGUDO 25

Ndi Ngani Hu Tshi Fhaṱiwa Holo Dza Muvhuso Nahone Dzi Fhaṱiwa Hani?

Ndi Ngani Hu Tshi Fhaṱiwa Holo Dza Muvhuso Nahone Dzi Fhaṱiwa Hani?

Bolivia

Nigeria, holo ya kale na ntswa

Tahiti

Holo ya Muvhuso ndi tshifhaṱo tshine ra kuvhangana khatsho u itela u haseledza pfunzo dza Bivhili dzine dza livhisa ṱhogomelo kha Muvhuso wa Mudzimu, we wa vha u tshiṱoho tsha vhuḓinḓa ha Yesu.—Luka 8:1.

Ndi fhethu ha vhurabeli ha ngoho kha tshitshavha. Mushumo wa u huwelela mafhungo maḓifha a Muvhuso u dzudzanywa henefho. (Mateo 24:14) Holo dza Muvhuso a dzi fani nga vhuhulwane na kufhaṱele, fhedzi dzoṱhe ndi zwifhaṱo zwavhuḓi nahone vhunzhi hadzo dzi shumiswa nga zwivhidzo zwo vhalaho. Miṅwahani ya zwenezwino, ro fhaṱa Holo dza Muvhuso ntswa dza mahumi a zwigidi (mbalotshikati ya ṱhanu nga ḓuvha) u itela uri ri kone u sedzana na nyengedzeo zwivhidzoni zwashu. Zwenezwi zwi konadzea hani?—Mateo 19:26.

Dzi fhaṱiwa nga miṋeelo i bvaho kha gwama ḽithihi. Yeneyi miṋeelo i rumelwa ofisini ya davhi nahone zwivhidzo zwa i hadzima u itela u fhaṱa kana u vusulusa Holo dza Muvhuso.

Dzi fhaṱiwa nga vhomaḓilonga vho fhamba-fhambanaho. Mashangoni manzhi ho dzudzanywa Zwigwada Zwa U Fhaṱa Holo Dza Muvhuso. Zwigwada zwa vhafhaṱi na vhomaḓilonga vha ya kha zwivhidzo zwo fhamba-fhambanaho shangoni, na mahayani, u itela u ranga phanḓa kha mushumo muṅwe na muṅwe kathihi na u gudisa Ṱhanzi dza henefho. Kha maṅwe mashango ho vhewa Ṱhanzi dzi faneleaho uri dzi ṱhogomele u fhaṱiwa na u vusuluswa ha Holo dza Muvhuso kha dzingu ḽe dza avhelwa khaḽo. Naho vhunzhi ha vhatsila vha henefho dzinguni vha tshi ḓiṋekedzela u thusa huṅwe na huṅwe hune ha vha hu tshi khou fhaṱiwa, vhomaḓilonga vhanzhi vha vha vhe vhahuweleli vha tshivhidzo tsha henefho. Muya wa Yehova na vhuḓidini vhu bvaho mbiluni ha vhathu vhawe ndi zwone zwine zwa ita uri wonoyu mushumo woṱhe u konadzee.—Psalme ya 127:1; Vha-Kolosa 3:23.

  • Ndi ngani fhethu hashu ha vhurabeli hu tshi vhidzwa Holo dza Muvhuso?

  • Zwi konadzea hani u fhaṱa Holo dza Muvhuso shangoni ḽoṱhe?