Pfukelani kha mafhungo

Naa Tshengelo I Ḓo Vhuya Ya Fhela?

Naa Tshengelo I Ḓo Vhuya Ya Fhela?

Naa ni nga ri . . .

  • ee?

  • hai?

  • khamusi?

 ZWINE BIVHILI YA AMBA

“Mudzimu . . . u ḓo phumula miṱodzi yoṱhe maṱoni avho, lufu a lu tsha ḓo vha hone, na u ṱungufhala na u lila na vhuṱungu.”—Nzumbululo 21:3, 4.

NḒILA INE NA ḒO VHUYELWA NGAYO NGA U ḒIVHA ZWENEZWO

Zwi ḓo ni khwaṱhisedza uri a si Mudzimu ane a bveledza thaidzo dzine ra sedzana nadzo.—Yakobo 1:13.

Zwi ḓo ni khuthadza uri ni ḓivhe uri Mudzimu u a pfa vhuṱungu musi ri tshi shengela.—Sakaria 2:12.

Zwi ḓo ni ṋea fulufhela ḽa uri tshengelo yoṱhe i ḓo fhela.—Psalme ya 37:9-11.

 NAA RI NGA TENDA TSHOṰHE ZWINE BIVHILI YA ZWI AMBA ZWA VHUKUMA?

Ee! Ri nga tenda nga nṱhani ha zwiitisi zwivhili:

  • Mudzimu u vhenga tshengelo na u shayea ha khaṱhulokwayo. Ṱhogomelani nḓila ye Yehova Mudzimu a ḓipfa ngayo musi vhathu vhawe vha tshi fariwa lwa tshiṱuhu zwifhingani zwa musi hu tshi ṅwalwa Bivhili. Bivhili i ri vhudza uri o sinyutshela “vhapwanyeledzi na vhaṱhuphi” vhavho.—Vhahaṱuli 2:18.

    Mudzimu u vhenga vhane vha vhaisa vhaṅwe vhathu. Sa tsumbo: Bivhili i amba uri “zwanḓa zwe zwa shulula malofha a muvhuya” u a zwi vhenga.—Mirero 6:16, 17.

  • Mudzimu u a ri ṱhogomela nga muthihi nga muthihi. Samusi muthu muṅwe na muṅwe “a tshi ḓivha dwadze ḽawe na vhuṱungu hawe” na Yehova u a zwi ḓivha!2 Koronika 6:29, 30.

Hu si kale Yehova u ḓo shumisa Muvhuso wawe u fhelisa tshengelo ya muthu muṅwe na muṅwe. (Mateo 6:9, 10) Zwa zwino u khou khuthadza nga vhulenda vhathu vhane vha mu ṱoḓa zwi tshi bva mbiluni.—Mishumo 17:27; 2 Vhakorinta 1:3, 4.

 ZWINE NA NGA ḒIVHUDZISA ZWONE

Ndi ngani Mudzimu a tshi tendela tshengelo?

Bivhili i fhindula yeneyo mbudziso kha VHAROMA 5:12 na 2 PETRO 3:9.