Pfukelani kha mafhungo

Pfukelani kha zwi re ngomu

 TSHIPIḒA 7

Yesu O Vha E Nnyi?

Yesu O Vha E Nnyi?

Yehova o ruma Yesu kha ḽifhasi. 1 Yohane 4:9

Arali ri tshi ṱoḓa u takadza Yehova, hu na muṅwe muthu wa ndeme ane ra fanela u mu thetshelesa. Kale musi Yehova a sa athu sika Adamu, o sika muruṅwa a re na maanḓa ngei ṱaḓulu.

Nga murahu, Yehova o ruma onoyu muruṅwa uri a ye u bebwa ngei Betlehema nga musidzana ane a pfi Maria. Onoyo ṅwana o irwa u pfi Yesu.—Yohane 6:38.

Musi a tshi khou tshila kha ḽifhasi, Yesu o vha a tshi sumbedza pfaneleo dza Mudzimu nga nḓila yo fhelelaho. O vha e na vhuthu, lufuno, nahone zwo vha zwi tshi leluwa uri vhathu vha ambe nae. O funza vhathu mafhungo ngoho nga ha Yehova a sa ofhi.

 Yesu o ita mishumo yavhuḓi, fhedzi o vha a tshi vhengiwa. 1 Petro 2:21-24

Yesu o dovha a fhodza vhalwadze na u vusa vhafu.

Vharangaphanḓa vha vhurereli vho vha vha tshi vhenga Yesu nga mulandu wa uri o vha a tshi vhudza vhathu nga ha pfunzo dzavho dza mazwifhi na nḓila dzavho mmbi.

Vharangaphanḓa vha vhurereli vho ṱuṱuwedza Vharoma uri vha rwe Yesu nahone vha mu vhulahe.