Pfukelani kha mafhungo

Pfukelani kha zwi re ngomu

 TSHIPIḒA 9

Paradiso I Ḓo Ḓa Lini?

Paradiso I Ḓo Ḓa Lini?

Khakhathi dzine dza vha hone kha ḽifhasi dzi sumbedza uri hu si kale Muvhuso wa Mudzimu u ḓo vhusa. Luka 21:10, 11; 2 Timotheo 3:1-5

Bivhili yo dzula yo sevha nga ha zwithu zwinzhi zwine zwa khou itea ṋamusi. I amba uri vhathu vha ḓo vha vhafuni vha mali, vhanyadzi vha vhabebi, vha vhuhali na vhafuni vha miḓifho ya shango.

Hu ḓo vha na midzinginyo mihulu, dzinndwa, dzinḓala na malwadze manzhi. Zwenezwo zwithu zwi khou itea ṋamusi.

Zwiṅwe hafhu, Yesu o amba uri mafhungo maḓifha a Muvhuso a ḓo huwelelwa ḽifhasini ḽoṱhe.—Mateo 24:14.

 Muvhuso wa Mudzimu u ḓo fhelisa vhuvhi hoṱhe. 2 Petro 3:13

Hu si kale Yehova u ḓo fhelisa vhuvhi hoṱhe.

Sathane na madimoni vha ḓo fheliswa.

Vhane vha thetshelesa Mudzimu vha ḓo ponyoka vha tshila kha shango ḽiswa ḽo lugaho vha si tsha ofha tshithu, hune vhathu vha ḓo fulufhelana na u funana.