Pfukelani kha mafhungo

Pfukelani kha zwi re ngomu

 NGUDO 7

Mutsheṱo Wa Babele

Mutsheṱo Wa Babele

Nga murahu ha Maḓi Mahulu, vhana vha Noaxe na vhafumakadzi vhavho vho vha na vhana vhanzhi. Miṱa yavho ya hula, vha thoma u phaḓalala ḽifhasini ḽoṱhe, samusi Yehova o ri vha ite ngauralo.

Fhedzi miṅwe miṱa a yo ngo thetshelesa Yehova. Vho ri: ‘Iḓani ri fhaṱe muḓi nahone ri dzule khawo. Ri fhaṱe mutsheṱo mulapfu une ṱhodzi yawo ya guma makoleni. Nga zwenezwo ri ḓo ḓi-itela dzina.’

 Yehova ho nga takalela zwe vha vha vha tshi khou zwi ita nahone a ita phetho ya u vha thivhela. Naa ni a ḓivha uri o zwi itisa hani? O ita uri vha ambe nyambo dzo fhamba-fhambanaho. Samusi vho vha vha si tsha pfesesana, vho litsha mushumo wa u fhaṱa. Muḓi we vha vha vha tshi khou u fhaṱa wa mbo ḓi vhidzwa Babele, zwine zwa amba “Phiringano.” Vhathu vho thoma u balangana nahone vha dzula u mona na ḽifhasi. Fhedzi vho bvela phanḓa vha tshi khou ita vhuvhi henefho he vha vha vha tshi khou dzula hone. Naa ho vha kha ḓi vha na vhane vha funa Yehova? Ri ḓo zwi vhona kha ngudo i tevhelaho.

“Muṅwe na muṅwe ane a ḓihudza u ḓo ṱukufhadzwa, fhedzi ane a ḓiṱukufhadza u ḓo huliswa.”​—Luka 18:14