Pfukelani kha mafhungo

Pfukelani kha zwi re ngomu

 NGUDO 13

Timotheo O Vha A Tshi Ṱoḓa U Thusa Vhathu

Timotheo O Vha A Tshi Ṱoḓa U Thusa Vhathu

Timotheo o vha e muṱhannga we a vha a tshi takalela u thusa vhathu. O tshimbila fhethu hunzhi u itela u thusa vhaṅwe. Nga nṱhani ha zwenezwo, o vha na vhutshilo vhu takadzaho nga maanḓa. Naa ni nga takalela u pfa nga ha vhutshilo hawe?—

Mme a Timotheo na makhulu awe vho mu gudisa nga ha Yehova

Timotheo o alutshela ḓoroboni ya Lisitara. Musi a tshi kha ḓi vha muṱuku, makhulu awe Loisa na mme awe Oinike vho mbo ḓi thoma u mu gudisa nga ha Yehova. Musi Timotheo a tshi aluwa, o vha a tshi ṱoḓa u thusa vhaṅwe u guda nga ha Yehova.

Musi Timotheo a kha ḓi vha muṱhannga, Paulo o mu humbela uri a ṱuwe nae musi a tshi ya u huwelela huṅwe fhethu. Timotheo o ri: ‘Ee!’ O vha o ḓiimisela u ṱuwa a yo thusa vhaṅwe.

Timotheo o ṱuwa na Paulo vha ya ḓoroboni ya Makedonia ine ya vhidzwa u pfi Thesalonika. U itela uri vha swike henengei, vho  vha vha tshi fanela u tshimbila lwendo lulapfu nahone vha tshi tea u namela tshikepe. Musi vha tshi swika, vho thusa vhathu vhanzhi uri vha gude nga ha Yehova. Fhedzi vhaṅwe vhathu vho vha vho kwata nahone vha lingedza u vha vhaisa. Ngauralo, Paulo na Timotheo vho vha vha tshi fanela u ṱuwa nahone vha ye u huwelela huṅwe fhethu.

Timotheo o vha na vhutshilo havhuḓi na vhu takadzaho nga maanḓa

Nga murahu ha miṅwedzi yo vhalaho, Paulo o humbela Timotheo uri a humele Thesalonika nahone a ye u vhona arali vhahashu vha tshi kha ḓi vha vho takala. Zwo vha zwi tshi ṱoḓa uri a vhe na tshivhindi u humela kha ḓorobo yeneyo i re na khombo! Fhedzi Timotheo o ya ngauri o vha a tshi khou vhilaela nga vhahashu vha re henengei. O vhuyelela kha Paulo e na mafhungo maḓifha. Vhahashu vha ngei Thesalonika vho vha vho takala!

Timotheo o shuma na Paulo miṅwaha minzhi. Paulo o vhuya a ṅwala uri Timotheo ndi muthu wavhuḓi nga maanḓa ane a nga mu rumela u ya u thusa zwivhidzo. Timotheo o vha a tshi funa Yehova na vhathu.

Naa ni a funa vhathu nahone ni ṱoḓa u vha thusa u guda nga ha Yehova?— Arali ni tshi vha funa, ni nga vha na vhutshilo havhuḓi na vhu takadzaho nga maanḓa, u fana na zwe Timotheo a zwi ita!