Mateo 1:1-25

1  Bugu ya lushaka lwa Yesu Kristo, murwa wa Davida, murwa wa Abrahamu:   Abrahamu o beba Isaka;Isaka a beba Yakobo;Yakobo a beba Yuda na vhaṅwe vharwa;   Yuda na Thamara vha beba Perese na Saraga;Perese a beba Esirono;Esirono a beba Aramu;   Aramu a beba Abinadaba;Abinadaba a beba Nahasoni;Nahasoni a beba Salamoni;   Salamoni na Rahaba vha beba Boasi;Boasi na Ruthe vha beba Obede;Obede a beba Isai;   Isai a beba khosi Davida. Davida na mufumakadzi wa Uria vha beba Salomo;   Salomo a beba Rehabeamu;Rehabeamu a beba Abia;Abia a beba Asa;   Asa a beba Yosafati;Yosafati a beba Yoramu;Yoramu a beba Usia;   Usia a beba Yothamu;Yothamu a beba Ahasi;Ahasi a beba Hiskia; 10  Hiskia a beba Manase;Manase a beba Amoni;Amoni a beba Yosia; 11  Yosia o beba Yekonya na vhaṅwe vharwa nga tshifhinga tsha musi Vhayuda vhe vhuthubwani Babele. 12  Musi vho no vhuya vhuthubwani Babele, Yekonya o beba Sealathiele;Sealathiele a beba Serubabele; 13  Serubabele a beba Abihudu;Abihudu a beba Eliakima;Eliakima a beba Asoro; 14  Asoro a beba Tsadoko;Tsadoko a beba Axima;Axima a beba Eliudu; 15  Eliudu a beba Eleasara;Eleasara a beba Mathani;Mathani a beba Yakobo; 16  Yakobo a beba Yosefa munna wa Maria, we a beba Yesu ane a pfi Kristo. 17  Mirafho yoṱhe u bva kha Abrahamu u swika kha Davida yo vha i fumi-iṋa (14), u bva kha Davida u swika vha tshi iswa vhuthubwani ngei Babele ndi mirafho ya fumi-iṋa; u bva vha tshi iswa vhuthubwani Babele u swika kha Kristo ndi mirafho ya fumi-iṋa. 18  Mafhungo a u bebwa ha Yesu Kristo ngea: Musi Maria mme a Yesu o fulufhedzisana u vhingana na Yosefa, o mbo ḓi vhifha muvhilini nga muya mukhethwa vha sa athu vhingana. 19  Ngauri Yosefa o vha o luga a sa ṱoḓi u mu seisa nga vhathu, a humbula u mu ṱala tshiphirini. 20  Musi o no fhedza u elekanya nga ha zwenezwo zwithu a vhona muruṅwa wa Yehova miloroni, a tshi ri: “Yosefa, murwa wa Davida, u songo ofha u isa Maria mufumakadzi wau hayani, ngauri o vhifha muvhilini nga nṱhani ha muya mukhethwa. 21  U ḓo beba murwa, ane wa ḓo mu ira dzina ḽa Yesu, ngauri u ḓo tshidza vhathu vhawe zwivhini zwavho.” 22  Huno izwi zwoṱhe zwo itea uri hu ḓadzee zwe zwa ambiwa nga Yehova a tshi shumisa muporofita wawe, a ri: 23  “Musidzana* u ḓo vhifha muvhilini a beba murwa, ane a ḓo pfi Immanuele,” zwine musi zwo ṱalutshedzelwa zwa amba uri, “Mudzimu U Na Riṋe.” 24  Musi Yosefa a tshi vuwa o ita zwe muruṅwa wa Yehova a mu vhudza zwone, a mbo ḓi isa mufumakadzi wawe hayani. 25  Fhedzi ho ngo ita zwa vhudzekani nae u swika a tshi beba murwa, we a mu ira dzina ḽine ḽa pfi Yesu.

Ṱhaluso dzi re magumoni a siaṱari

Ipfi ḽa Lugerika ḽi ambela kha muthu wa tshisadzini a sa athu ita zwa vhudzekani.