Pfukelani kha mafhungo

Naa Ṱhanzi dza Yehova vha a Tenda uri Vhurereli Havho ndi Hone Fhedzi ha Ngoho?

Naa Ṱhanzi dza Yehova vha a Tenda uri Vhurereli Havho ndi Hone Fhedzi ha Ngoho?

Vhathu vhane vha funa vhurereli nga ho dzikaho vha humbula uri he vha vhu khetha vhu a ṱanganedzwa nga Mudzimu na Yesu. Arali zwo vha zwi songo ralo, ndi ngani vho vha vha tshi ḓo ḓidzhenisa khaho?

Yesu Kristo ho ngo tendelana na mavhonele a uri vhurereli vhunzhi ndi nḓila nnzhi dzine dza livhisa u tshidzwani. Nṱhani hazwo o ri: “Khoro i yaho vhutshiloni ndi ṱhukhu, na nḓila i yaho hone ndi tsekene; huno vha i wanaho a si vhanzhi.” (Mateo 7:14) Ṱhanzi dza Yehova vha tenda uri vho i wana yeneyo nḓila. Arali zwo vha zwi songo ralo, vho vha vha tshi ḓo ṱoḓa vhuṅwe vhurereli.