Pfukelani kha mafhungo

Naa Ṱhanzi dza Yehova vha a Tenda kha Yesu?

Naa Ṱhanzi dza Yehova vha a Tenda kha Yesu?

 Ee. Ri a tenda kha Yesu, we a ri: “Ndi nṋe nḓila na mafhungo-ngoho na vhutshilo; a huna ane a ḓa ha Khotsi, arali á sa ḓi nga nṋe.” (Yohane 14:6) Ri a tenda uri Yesu o ḓa kha ḽifhasi a tshi bva ṱaḓulu nahone a kumedza vhutshilo hawe ho fhelelaho uri vhu vhe tshiṱhavhelo tshi rengululaho. (Mateo 20:28) Lufu lwawe na mvuwo yawe zwi ita uri zwi konadzee uri vhane vha vha na lutendo khae vha wane vhutshilo vhu sa fheli. (Yohane 3:16) Ri dovha ra tenda uri zwino Yesu u khou vhusa sa Khosi Muvhusoni wa ṱaḓulu, une hu si kale wa ḓo ḓisa mulalo kha ḽifhasi ḽoṱhe. (Nzumbululo 11:15) Naho zwo ralo, ri tenda zwe Yesu a zwi amba musi a tshi ri: “Khotsi ndi muhulwane kha nṋe.” (Yohane 14:28) Nga zwenezwo, a ri gwadameli Yesu, samusi ri sa tendi uri ndi Mudzimu Ramaanḓaoṱhe.