Pfukelani kha mafhungo

Tshigwada Tshi Langaho Tsha Ṱhanzi Dza Yehova Ndi Mini?

Tshigwada Tshi Langaho Tsha Ṱhanzi Dza Yehova Ndi Mini?

Tshigwada tshi Langaho ndi vhanna vha si gathi vho vhibvaho vhane vha livhisa Ṱhanzi dza Yehova shangoni ḽoṱhe. Mushumo wavho u na ndivho mbili:

  • Vha ingamela u lugiselelwa ha nyeletshedzo yo thewaho Bivhilini ine ya wanala kha khandiso, miṱangano na zwikolo zwa Ṱhanzi dza Yehova.​—Luka 12:42.

  • Vha langa mushumo wa shango ḽoṱhe wa Ṱhanzi dza Yehova nga u livhisa vhuḓinḓa hashu ha khagala na u lavhelesa u shumiswa ha thundu dzi ṋeelwaho.

Tshigwada tshi Langaho tshi tevhela tsumbo yo vhewaho nga ‘vhaapostola na vhahulwane ngei Yerusalema’ ḓanani ḽa u thoma ḽa miṅwaha, vhe vha ita phetho dza ndeme vha tshi itela tshivhidzo tshoṱhe tsha Vhukriste. (Mishumo 15:2) U fana na vhenevho vhanna, miraḓo ya Tshigwada tshi Langaho a si vharangaphanḓa vha ndangulo yashu. Vha shumisa vhulivhisi ho ṅwalaho Bivhilini, vha tenda uri Yehova Mudzimu o vhea Yesu Kristo uri a vhe Ṱhoho ya tshivhidzo.​—1 Vhakorinta 11:3; Vhaefesa 5:​23.

Miraḓo ya Tshigwada tshi Langaho ndi vhonnyi?

U bva nga January 2018, miraḓo ya Tshigwada tshi Langaho ndi Kenneth Cook, Jr., Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, na David Splane. Vha ofisini dzashu khulwane ngei Warwick, New York, U.S.A.

Tshigwada tshi Langaho tsho dzudzanywa hani?

Tshigwada tshi Langaho tshi na komiti dza rathi dzine dza lavhelesa masia o fhamba-fhambanaho a mushumo washu nahone muraḓo muṅwe na muṅwe u shuma kha komiti dzi fhiraho nthihi.

  • Komiti ya Vhadzudzanyi: I ingamela mafhungo a lwa mulayo nahone i dzhia vhukando musi hu tshi vha na khombo dza mupo, zwiitea zwine khazwo miraḓo yashu ya tovholwa nga nṱhani ha pfunzo dzavho dza vhurereli dzine vha dzi tenda na maṅwe mafhungo o ṱavhanyiswaho ane a kwama Ṱhanzi dza Yehova.

  • Komiti ya Vhashumi: I lavhelesa ndugiselelo dza miraḓo ya muṱa wa Bethele.

  • Komiti ya Vhugandisi: I ṱhogomela u bveledzwa na u rumelwa ha khandiso dza Bivhili na u fhaṱiwa ha fhethu ha vhurabeli, ofisi dza u ṱalutshedzela na zwifhaṱo dza davhi.

  • Komiti ya Tshumelo: I lavhelesa mushumo washu wa u huwelela “mafhungo maḓifha ... a Muvhuso.”​—Mateo 24:14.

  • Komiti ya U Funza: I livhisa u lugiselelwa ha pfunzo ya lwa muya ine ra i wana miṱanganoni, zwikoloni na mbekanyamushumo dzi thetsheleswaho na dza vidio.

  • Komiti ya Vhuṅwaleli: I livhisa u lugiselelwa ha pfunzo ya lwa muya ine ra i wana kha zwithu zwo gandiswaho na kha website yashu nahone i ingamela mushumo wa u ṱalutshedzela.

Nga nnḓa ha mushumo une Tshigwada tshi Langaho tsha u ita kha dzenedzi komiti, tshi ṱangana luthihi nga vhege u itela u ṱhogomela zwishaiwa zwa ndangulo. Kha yeneyi miṱangano, yeneyo miraḓo i haseledza zwine zwa ambiwa nga Maṅwalo nahone vha tendelana na muya mukhethwa wa Mudzimu, vha lwela u tendelana kha phetho dzavho.​—Mishumo 15:25.

Ndi vhafhio vhathusi vha Tshigwada tshi Langaho?

Vhenevha ndi Vhakriste vha fulufhedzeaho vhane vha thusa komiti dza Tshigwada tshi Langaho. (1 Vhakorinta 4:2) Vha na vhukoni na tshenzhelo kha mushumo une wa ingamelwa nga komiti ye vha avhelwa khayo nahone vha vha kha miṱangano yayo ya vhege iṅwe na iṅwe. Naho vha sa sheli mulenzhe kha u ita phetho, vhathusi vha ṋea nyeletshedzo ya ndeme na vhubvo ha mafhungo, vha shumisa phetho dza komiti nahone vha ṱolisisa mvelelo na mvelaphanḓa yadzo. Vha nga kha ḓi avhelwa nga Tshigwada tshi Langaho u dalela vhahashu kha maṅwe mashango kana u ṋekedza nyambo kha zwiitea zwi ngaho miṱangano ya ṅwaha muṅwe na muṅwe kana kha muṱangano wa Gilead.

MUTEVHE WA VHATHUSI

Komiti

Dzina

Vhadzudzanyi

  • Ekrann, John

 

Vhashumi

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Vhugandisi

  • Adams, Don

  • Butler, Robert

  • Corkern, Harold

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Tshumelo

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Wallen, Robert

  • Weaver, Leon, Jr.

 

U Funza

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

 

Vhuṅwaleli

  • Ciranko, Robert

  • Mantz, James

  • Marais, Izak

  • Smalley, Gene

  • van Selm, Hermanus