Pfukelani kha mafhungo

Ndi Ngani Ṱhanzi dza Yehova vha sa Pembeleli Easter?

Ndi Ngani Ṱhanzi dza Yehova vha sa Pembeleli Easter?

Mavhonele o ḓoweleaho o khakheaho

Mazwifhi: Ṱhanzi dza Yehova a vha pembeleli Easter nga nṱhani ha uri a si Vhakriste.

Ngoho: Ri a tenda uri Yesu Kristo ndi Mutshidzi washu nahone ri ita zwi re maanḓani ashu u itela u tevhela “ṋayo dzawe nga vhuronwane.“—1 Petro 2:21; Luka 2:11.

Mazwifhi: A ni tendi uri Yesu o vuswa vhafuni.

Ngoho: Ri a tenda uri Yesu o vuswa; yeneyo ndi pfunzo ya mutheo ya lutendo lwa Vhukriste nahone ri a i ombedzela musi ri tshi funza.—1 Vhakorinta 15:3, 4, 12-15.

Mazwifhi: A ni na ndavha musi vhana vha vhoiwe vha tshi pfukwa nga muḓifho wa holodei ya Easter.

Ngoho: Ri funa vhana vhashu—ri ita zwi re maanḓani ashu u itela u vha gudisa na u vha thusa uri vha takale.—Tito 2:4.

Ndi ngani Ṱhanzi dza Yehova vha sa pembeleli Easter?

  • Vhuṱambo ha holodei ya Easter a ho ngo thewa Bivhilini.

  • Yesu o laedza uri ri humbule lufu lwawe, hu si mvuwo yawe. Ri ita Tshihumbudzo tsha lufu lwawe ṅwaha muṅwe na mumwe nga ḓuvha ḽe a fa ngayo u ya nga khalenda ya Bivhili ine ya vhalela u ya nga miṅwedzi.—Luka 22:19, 20.

  • Ri tenda uri vhubvo ha mikhuvha ya Easter, yo thewaho kha mikhuvha ya u beba ya kale, i ita uri Easter i sa ṱanganedzee kha Mudzimu. Mudzimu u ṱoḓa uri ri ‘gwadamele’ ene fhedzi, nahone u a sinyuswa nga vhurabeli vhune ha katela maitele ane a sa a ṱanganedze.—Ekisodo 20:5; 1 Dzikhosi 18:21.

Ri tenda uri phetho yashu ya u sa pembelela Easter yo thewa nga ho khwaṱhaho Bivhilini, ine ya ri ṱuṱuwedza uri ri shumise “u ṱalukanya na u elekanya” nṱhani ha u sokou tevhela masialala a vhathu. (Mirero 3:21; Mateo 15:3) Naho ri tshi vhudza vhathu vhane vha ri vhudzisa zwine ra zwi tenda nga ha Easter, ri dovha ra ṱhonifha zwine muthu a phetha u zwi ita.—1 Petro 3:15.