Pfukelani kha mafhungo

Pfukelani kha menyu wa vhuvhili

Ṱhanzi dza Yehova

Luvenda

Mushumo wa Ṱhanzi dza Yehova u Tikedzwa Hani nga zwa Dzitshelede?

Mushumo wa Ṱhanzi dza Yehova u Tikedzwa Hani nga zwa Dzitshelede?

Mushumo washu wa u huwelela u tikedzwa tshoṱhe nga miṋeelo ya u ḓifunela i bvaho kha Ṱhanzi dza Yehova. Hu itwi kose-kose miṱanganoni yashu nahone a zwi ṱoḓei uri miraḓo yashu i bvise tshafumi. (Mateo 10:7, 8) Nṱhani hazwo, hu na mabogisi a miṋeelo miṱanganoni yashu u itela uri arali muthu a tshi ṱoḓa u ṋeela, a ite nga u ralo. A ri ḓivhadzi madzina a vhathu vhane vha ṋeela.

Tshiṅwe tshine tsha u ita uri ri kone u badela tshinyalelo dzashu ndi uri a ri na vhafunzi vhane vha holelwa. Zwiṅwe hafhu, Ṱhanzi a dzi badelwi musi dzi tshi ya nnḓu nga nnḓu nahone fhethu hune ra hu shumisela vhurabeli hashu hu a ṱhonifhea.

Miṋeelo naho i ifhio ine ya rumelwa ofisini dza Ṱhanzi dza Yehova i shumiselwa u thusa vhathu vho welwaho nga khombo dza mupo, u tikedza vharumiwa na vhaḓinḓa vha dalelaho, u thusa u fhaṱa nnḓu dzashu dza vhurabeli mashangoni a bvelaho phanḓa na u gandisa na u rumela Dzibivhili na dziṅwe khandiso dza Vhukriste.

Muthu muṅwe na muṅwe u ita phetho arali a tshi ṱoḓa u ṋeela u itela u badelela tshinyalelo dza tshivhidzo, mushumo washu wa shango ḽoṱhe kana vhuvhili hazwo. Tshivhidzo tshiṅwe na tshiṅwe tshi ḓivhadza miraḓo yatsho mivhigo ya zwa dzitshelede tshifhinga tshoṱhe.