Pfukelani kha mafhungo

Naa hu na Dzimuvi, Dzibugu Kana Nyimbo Dzine Ṱhanzi dza Yehova vha dzi Thivhela?

Naa hu na Dzimuvi, Dzibugu Kana Nyimbo Dzine Ṱhanzi dza Yehova vha dzi Thivhela?

Hai. Ndangulo yashu a i ṱolisisi dzimuvi, dzibugu kana nyimbo u itela u vhudza miraḓo yayo zwine vha tea u zwi iledza. Ndi ngani?

● Bivhili i ṱuṱuwedza muthu muṅwe na muṅwe uri a gudise ‘maanḓa awe a u ṱalukanya’ u itela uri a kone u fhambanya zwo lugaho na zwo khakheaho.—Vhaheberu 5:14.

● Maṅwalo a na maitele a mutheo ane Mukriste a nga a shumisa musi a tshi khetha vhuḓimvumvusi. * U fana na kha masia oṱhe a vhutshilo, tshipikwa tshashu ndi u “ita vhungoho ha uri ndi zwifhio zwine Murena a zwi ṱanganedza.”—Vhaefesa 5:10.

● Bivhili i funza uri ṱhoho dza miṱa dzi na vhuḓifhinduleli vhuhulwane, nga zwenezwo dzi nga khetha mifuda ya u ḓimvumvusa hune miraḓo yayo ya muṱa ya nga ṱanganela khaho. (1 Vhakorinta 11:3; Vhaefesa 6:1-4) Naho zwo ralo, nga nnḓa ha muṱani, a hu na muthu ane a vha na maanḓa a u thivhela miraḓo ya tshivhidzo uri i vhone dzifilimu, i thetshelese nyimbo kana vhaimbi.Vhagalata 6:5.

^ par. 4 Sa tsumbo, Bivhili i sasaladza naho tshi tshini tshine tsha ṱuṱuwedza vhungome, u ḓifara luvhi siani ḽa zwa vhudzekani kana vhuvemu.Doiteronomio 18:10-13; Vhaefesa 5:3; Vhakolosa 3:8.