Pfukelani kha mafhungo

Ndi Ngani Ṱhanzi dza Yehova vha sa Vhidzi Fhethu Hune vha Farela Hone Muṱangano Kereke?

Ndi Ngani Ṱhanzi dza Yehova vha sa Vhidzi Fhethu Hune vha Farela Hone Muṱangano Kereke?

Bivhilini, ipfi ḽa Lugerika ḽine nga zwiṅwe zwifhinga ḽa vhidzwa “kereke” ḽi amba tshigwada tsha vhagwadameli, hu si tshifhaṱo tshine vha kuvhangana khatsho.

Ṱhogomelani tsumbo i tevhelaho: Musi muapostola Paulo a tshi ṅwalela Vhakriste ngei Roma, o rumela ndumeliso nga vhavhingani vha vhidzwaho Akwila na Prisila nahone a engedza nga uri: “Ni lumelise kereke ine ya kuvhangana muḓini wavho.” (Vharoma 16:5, Contemporary English Version) Paulo o vha a songo livha uri ndumeliso dzi iswe kha tshifhaṱo. Nṱhani hazwo, o vha o rumela ndumeliso dzawe kha vhathu—tshivhidzo tshine tsha kuvhangana henefho muḓini. *

Nga zwenezwo fhethu hune ra gwadamela hone a ri hu vhidzi kereke, ri hu vhidza “Holo ya Muvhuso.”

Ndi ngani ri tshi hu vhidza “Holo ya Muvhuso ya Ṱhanzi dza Yehova”?

Enea maipfi o tea nga nṱhani ha zwiitisi zwo vhalaho:

  • Tshifhaṱo ndi holo kana fhethu ha muṱangano.

  • Ri kuvhangana henefho u itela u gwadamela Yehova, Mudzimu o bulwaho Bivhilini na u ṱanziela kana u ṋea vhuṱanzi nga hae.Psalme ya 83:18; Yesaya 43:12.

  • Ri dovha ra kuvhangana u itela u guda nga ha Muvhuso wa Mudzimu, we Yesu a amba lunzhi nga hawo.—Mateo 6:9, 10; 24:14; Luka 4:43.

Ni ḓipfe no vhofholowa u ya Holoni ya Muvhuso i re tsini na hune na dzula hone nahone ni vhone nḓila ine Ṱhanzi dza Yehova vha fara ngayo miṱangano yavho.

^ par. 3 Maipfi a fanaho na eneo a hone kha 1 Vhakorinta 16:19; Vhakolosa 4:15; na Filemoni 2.