Забур 72:1–20
Сулаймон ҳақида ёзилган сано.
72 Эй Худо, шоҳга қонун-қоидаларингни ўргат,Шаҳзодага адолатингни ато эт+.
2 У халқингни адолат билан,Хокисор хизматкорларингни ҳаққоният билан ҳимоя қилсин+.
3 Тоғлар халқингга тинчлик,Тепаликлар адолат келтирсин.
4 У эл орасидаги хокисор одамларни ҳимоя қилсин,Камбағалнинг ўғилларини қутқарсин.Ёлғончини эса эзиб ташласин+.
5 Эй Тангри, токи қуёш ва ой бор экан,Улар Сендан қўрқадиган бўлади.Авлодлар оша шундай бўлади+.
6 Шоҳ ўрилган майсазор устига ёққан ёмғирдай,Ерни суғорган жаладай бўлади+.
7 У шоҳлик қилган даврда одил инсон гуллаб-яшнайди+,Ой бор экан, ҳамма ерда тинчлик-осойишталик бўлади+.
8 Денгиздан денгизга қадар,Фуротдан ернинг чеккаларига қадар у ҳукмронлик қилади+.
9 Чўлда яшовчилар унга таъзим қилади,Душманлари тупроқ ялайди+.
10 Таршиш подшоҳлари ва ороллар унга ўлпон тўлайди+.
Шава билан Саво шоҳлари унга ҳадялар келтиради+.
11 Ҳамма шоҳлар унга таъзим қилади,Барча халқлар унга хизмат қилади.
12 Ёрдам сўраб фарёд қилган камбағални,Хокисор ва мададкори йўқ одамни у қутқаради.
13 Хокисор ва камбағалга жони ачийди,Фақирнинг ҳаётини* сақлаб қолади.
14 Жабр-зулмдан уларни халос қилади,Уларнинг қони унинг назарида қимматбаҳо бўлади.
15 Шоҳнинг умри узоқ бўлсин, унга Шава олтини берилсин!+
Халқ доим у учун ибодат қилсин,Ҳамиша уни дуо қилсин!
16 Ер юзида ғалла мўл бўлади+,Тоғлар тепасида дон сероб бўлади.
Шоҳнинг ҳосили Ливандагидай кўп бўлади+,Шаҳарлардаги одамлар ердаги майса каби кўпаяди+.
17 Унинг исми абадий турсин+,Токи қуёш бор экан, унинг донғи ёйилиб борсин.
У туфайли одамлар барака топсин+,Жамики халқлар уни бахтиёр деб айтсин.
18 Исроилнинг Худоси — Тангри Яҳовага мақтовлар бўлсин!+Ажойиб ишлар қиладиган ёлғиз Удир+.
19 Унинг улуғвор исми абадий мақталсин+,Бутун ер юзи Унинг шон-шуҳратига тўлсин!+
Омин, омин.*
20 Эссай ўғли Довуднинг+ ибодатлари ниҳоясига етди.
