Мосламалар

Тилни танланг

Қўшимча менюга ўтиш

Мундарижага ўтиш

Асосий материалларга ўтиш

Яҳованинг Шоҳидлари

ўзбекча

«ҲАЁТ ТАРЗИМИЗ ВА ХИЗМАТИМИЗ. ТАЪЛИМ ДАСТУРИ» АВГУСТ 2016

 ҲАЁТ ТАРЗИМИЗ

Кашшофлик руҳини намоён этинг

Кашшофлик руҳини намоён этинг

1. Сизнингча, кашшофлик руҳи бу нима?

1 Кашшофми ёки йўқми, барча ваъзгўйлар кашшофлик руҳини намоён эта олишади. Улар ваъз қилиш ва шогирд тайёрлашга жиддий қарашади. (Мт 28:19, 20; Ҳв 18:5) Улар одамларга ғамхўрлик қилиб, хизматда фидойиликни намоён этишади. (Мт 9:36; Ҳв 20:24) Яҳованинг хизматчилари бошқаларга ҳақиқатни бажонидил ўргатишади. (1Кр 9:19–23) Келинг, шундай руҳни намоён этган Филипнинг мисолини кўриб чиқайлик.

2. Оқсоқоллар ва хизматкорлар Филипнинг ўрнагига қандай тақлид қила олишади?

2 Ваъз қилиш ва таълим беришда. Филип I асрдаги жамоатда кўп масъулиятга эга бўлган. (Ҳв 6:1–6) Лекин, у хушхабарни ваъз этишда ҳам ғайратли бўлган. (Ҳв 8:40) Оқсоқоллар ва хизматкорлар ўз масъулиятларини бажариш билан бирга, хизматда шижоатли бўлиб кашшофлик руҳини намоён эта олишади. Бу, жамоатдагиларга ижобий таъсир қилиши аниқ! (Рм 12:11)

3. Синовлар пайтида кашшофлик руҳини қандай намоён этишимиз мумкин?

3 Стефаннинг ўлимидан сўнг, қувғунлар туфайли шогирдларнинг ҳаётида катта ўзгаришлар юз берган. Лекин Филип ваъз қилишдан тўхтамай, самарияликларга ҳам хушхабар етказилишига жон куйдирган. (Ҳв 8:1, 4–6, 12, 14–17) Синовларга қарамай ва одам танламай хушхабарни ваъз қилишда давом этсак, Филипга тақлид қилган бўламиз. (Юҳ 4:9)

4. Филип таълим беришда қандай ўрнак кўрсатган?

4 Филип Аллоҳнинг Каломидан таълим беришда маҳоратли бўлганини, ҳабашистонлик амалдор билан суҳбатлашганидан кўрса бўлади. (Ҳв 8:26–38) Биз ҳам Муқаддас Китоб асосида музокара қилишда маҳорат ошириш орқали кашшофлик руҳини намоён этамиз. (Ҳв 17:2, 3) Филип каби ҳар бир фурсатдан фойдаланиб, хушхабарни ваъз қилишга интиламиз.

5. Ота-оналар болаларини кашшофлик руҳини намоён этишга қандай ўргата олишади?

5 Оила ва жамоатда. Филипнинг ўрнаги қизларига ижобий таъсир қилган. (Ҳв 21:9) Масиҳий ота-оналар ҳам Шоҳлик манфаатларини биринчи ўринга қўйиб, болаларини шундай қилишга ундаган бўлишади. Ҳафта давомида ишлаб чарчаганларига қарамай, ота-оналар ғайрат ила ваъз қилишса, болаларига бу яхши таъсир қилади. (Ҳк 22:6)

6. Жамоатимиздаги кашшофлар учун миннатдор эканлигимизни қандай кўрсатамиз?

6 Филип, хизматда ғайратли бўлган Павлус ва Луқога меҳмондўстликни намоён этган. (Ҳв 21:8, 10) Биз-чи, ғайратли ваъзгўйларга миннатдорлигимизни ва уларни қўллаб-қувватлаётганимизни қандай кўрсатамиз? Масалан, ҳамкор кам бўлган кунларда улар билан хизматга чиқсак бўлади. (Флп 2:4) Шунингдек, уларни меҳмонга чақиришимиз мумкин. Келинг, шароитларимиз қандай бўлмасин, кашшофлик руҳини намоён этайлик!