Асосий материалларга ўтиш

Мундарижага ўтиш

Яҳованинг Шоҳидлари

Тилни танланг ўзбекча

Ибронийларга 12:1–29

ҚИСҚАЧА МАЗМУНИ

  • Исо имонимизнинг Раҳбари (1–3)

    • Шоҳидлар оломони (1)

  • Яҳованинг тарбиясини рад этмаслик (4–11)

  • «Оёқларингиз учун текис йўл ҳозирланглар» (12–17)

  • Самовий Қуддусга яқинлашиш (18–29)

12  Атрофимизда бундай шоҳидлар оломони* бор экан, ҳар қандай оғирликни ҳамда бизни осонгина тузоққа илинтирмоқчи бўлган гуноҳни ўзимиздан ечиб ташлаб+, Аллоҳ бизга белгилаган мусобақада чидам билан чопайлик+.  Шунингдек, имонимизнинг Раҳбари ва уни камолотга етказувчи Исога+ кўз тикайлик. У олдинда кутаётган шодлик учун шарманда бўлишига қарамай, азоб устунидаги* ўлимга чидаб, Худо тахтининг ўнг томонига ўтирди+.  Чиндан ҳам, у ўзларигагина зиён келтирган гуноҳкорларнинг ҳақоратларига+ сабр-тоқат қилди. Сизлар бу ҳақда ўйланглар, токи чарчаб, таслим бўлманглар+.  Сизлар эса ушбу гуноҳга қарши ҳали қонингиз тўкилгунча курашганингиз йўқ.  Ота ўғилларига айтган мана бу сўзларни гўё бутунлай унутиб қўйдингизлар: «Ўғлим, Яҳованинг* тарбиясини рад этма, У сенга танбеҳ берганида асло руҳинг тушмасин.  Чунки Яҳова* Ўзи севган инсонга тарбия беради. Кимни ўғилдек қабул қилса, ўшани қамчилайди»+.  Сабр-тоқат қилаётганингизнинг ўзи сизлар учун тарбиядир. Тангри сизлар билан ўғилларидек муомала қиляпти+. Қайси ота ўғилларини тарбияламайди?+  Борди-ю, ҳамма қатори тарбия олмасангиз, унда сизлар ўғиллар эмас, балки никоҳсиз туғилган фарзандларсиз.  Жисмоний оталаримиз бизни қаттиқ тарбиялашганига қарамай, уларни ҳурмат қилардик. У ҳолда бизни муқаддас руҳи ила танлаган ва ҳаёт ато этган Отамизга тайёрлик ила бўйсунишимиз янада муҳимроқ эмасми?+ 10  Улар ўзларига ёққандай, қисқа вақт давомида бизни тарбиялашган эди. Лекин Аллоҳ фойдамизни кўзлаб, У сингари муқаддас бўлишимиз мақсадида бизга тарбия беряпти+. 11  Тўғри, ҳар қандай тарбия ҳозирги пайтда севинч эмас, оғриқ келтиради*. Аммо у орқали таълим олганларга тинчлик ҳосили — одиллик келтиради. 12  Шундай экан, бўшашган қўлларингизни, мажолсизланган тиззаларингизни бақувват қилинглар+. 13  Оқсаган оёқларингиз чиқиб кетмасин, аксинча соғайсин, дея оёқларингиз учун текис йўл ҳозирланглар+. 14  Ҳамма одамлар билан тинчлик сақлашга+ ва муқаддас бўлишга интилинглар+, чунки муқаддас бўлмаган киши Ҳазратимизни* кўра олмайди. 15  Ҳеч ким Худонинг иноятидан айрилиб қолмаслиги учун эҳтиёт бўлинглар. Токи бирон-бир заҳарли томир униб чиқиб, зиён етказмасин ва натижада кўплар булғанмасин+. 16  Шунингдек, бирорта зинокор* ҳам, битта овқатни деб ўзининг тўнғичлигини сотган Эсов каби муқаддас нарсаларни қадрламайдиган ҳам бўлмасин+. 17  Ўзларингизга маълум бўлганидай, кейин Эсов дуо олишни хоҳлаганда ҳам рад этилди. У кўз ёш тўкиб отасининг қарорини ўзгартиришга интилган бўлса-да+, бунга эришолмади. 18  Сизлар ловуллаб ёнаётган+, қора булуту тим қоронғилик ва бўрон ичида бўлган+, қўл билан тегса бўладиган тоққа яқинлашмадингиз+. 19  Шунингдек, карнай товушига+ ҳамда гапираётган овозга+ ҳам яқинлашмадингиз. Чунки бу товушни эшитган одамлар У яна бирор сўз гапирмасин, деб Мусога ёлворишган эди+. 20  Чунки улар: «Ҳатто ҳайвон ҳам тоққа яқинлашса, тошбўрон қилинсин»+,— деган амрдан даҳшатга тушишган эди. 21  Бу манзара шу қадар даҳшатли эдики, ҳатто Мусо пайғамбар ҳам: «Мен қўрққанимдан титраяпман»+,— деб айтган эди. 22  Аммо сизлар Сион тоғига+, барҳаёт Худонинг шаҳри самовий Қуддусга+, тумонат* фаришталарга яқинлашдингиз. 23  Сизлар бир жойда йиғилган фаришталарга+, исмлари осмонда қайд этилган тўнғичлар жамоатига, ҳамманинг Ҳаками бўлмиш Аллоҳга+ ва камолотга эришган одил кишиларнинг+ руҳий ҳаётига+ ҳамда 24  янги аҳднинг+ воситачиси Исога+ ва Ҳобилнинг қонидан ҳам яхшироқ гапираётган+ сачратилган қонга яқинлашдингиз. 25  Гапираётганга қулоқ солмасликдан эҳтиёт бўлинглар. Ер юзида Аллоҳнинг огоҳлантиришларини эълон қилганга қулоқ солмаганлар жазодан қутула олишмаган экан, унда самодан туриб гапираётган Худодан юз ўгирсак, қутулолмаслигимиз янада аниқ эмасми?!+ 26  Ўшанда Худонинг овози ерни титратганидек+, энди У яна шундай деб ваъда беряпти: «Мен яна бир бор нафақат ерни, балки осмонни ҳам ларзага соламан»+. 27  «Яна бир бор» деган сўзлар эса титрайдиган, яъни яратилган нарсаларнинг йўқ бўлиб кетишига ишора қилади, токи титрамайдигани қолсин. 28  Биз тебранмас Шоҳликка эришар эканмиз, бундан буён ҳам иноятга эга бўлиб бораверайлик. У орқали биз муқаддас хизматимизни Тангрига маъқул тарзда, худотарслик ва титроқ билан адо этамиз. 29  Зеро Аллоҳимиз ямламай ютадиган оташдир+.

Изоҳлар

Сўзма-сўз «буюк бир шоҳидлар булути».
Ёки «қайғу бўлиб туюлади».
Ёки «Раббимизни», юн. Кириос.
Юн. порниа. Луғатдаги «жинсий ахлоқсизлик» иборасига қ.
Ёки «ўн мингларча».